NAGUM 1:8 - Tanou Moonsoi Timugon

⁸ Pusoon No ngaangai' pantula' Nano, Io koson ra liur maayo ondo' nakalumpa' risilo. Binutus No painawo ru ulun ondo' manggal ra kasagaan Nano.

NAGUM 1:8 Iomraidhean Croise

AYUP 30:15

Malaa' nampalibung raki'; natatak kaurumatan kuli koson ra siob ru angin am kalansanan kuno koson mamanang, lumiot koson ra gaun.

AYUP 40:11

Ilai' toojo ulun ondo' lumimbau; paabuso' sangit muno am pagasab no risilo.

AMSAL 4:19

Kaa' kaayagan ru ulun malaat molondom koson ra rondom. Makasaru ilo am maratu', kaa' kalo mapandayan nilo atan sabap no.

JISAYA 13:10

Moonong butitin am tinting ru butitin lumasa' sinda no. Mato ru orou lumondom bulintok sumirang am bulan kolondo' boo sinda.

JISAYA 13:9

Orou ru Tuhan no matong, am paat raginio mampaabus Tuhan ra sangit Nano ondo' makalalaa' kaga'. Tana' ti masauk mapua', am moonong ulun makatula potoyon.

JISAYA 28:17

Katimpakan saukon Ku ra tali panunuku', am kabanisan ru guang saukon Ku ra tali unting.” Nansalinut abau ondo' masauk ra kalansanan mino malulun ru rasam batu, am sindungan mino pusoon ru liur maayo.

JISAYA 28:18

Nabantuan mino ra kapatayan am nangiawan mino ra pagun ru ulun minatoi linugut sagulio'. Kalaan kau bulintok karaat lumumpa' ramuyun.

JISAYA 28:2

Ilai' noyo, Tuhan nangator sangulun ondo' maikang am makakuasa', nakatampos mongoi pangayou risilo; sangulun matong koson ra bagiu' mabaya' ra rasam batu, koson ra rasam maawas, am koson ra liur ondo' siminakob ra tana'. Io mapaampas risilo ra tana'.

JISAYA 8:22

kapoam manginduku' ra ragana', kolondo' atan-atan makito ondo' ak am kapaganan am kalandaman am niayuk kasilukan ondo' kumapit. Patirin ilo ra intok molondom kaga'.

JIRIMIA 13:16

Urumato' noyo Tuhan, i Aki Kapuuno' muno ra Io kalo poyo mamparatong ra kalandaman, am kalayam muno makasaru ra kagunungan; ra kalo poyo sinda ondo' lansanin min kulawon masauk ra molondom kaga'.

JIRIMIA 51:64

Balai' ilo ra koon raginio noyo pupus ru Babilonia. Malinjob Babilonia am kalo noyo boo sumalula', sabap ra kapusaan ondo' porotongon ru Tuhan riso.” Ragu-ragu ri Jirimia polos ragiti.

YEHEZKIEL 13:13

Koon ragitio noyo ragu ru Tuhan Raja', “Paat ra Aku sumangit kaga', mamparatong Aku ra bagiu' mapuor, rasam maawas am rasam batu koson mamuso ra timbok no.

DANIL 11:10

“Anak-anak ungkuyon ru raja' ru Siria tumampos koson mamulunsar am manirong ra pulalai ru saujor ondo' maayo. Sangulun intor risilo mampajunjung koson ra liur am mamulunsar ra pangampinan ru pantula'.

DANIL 11:22

Saujor ondo' manggal riso, am poyo Tingganai Maayo Imam pana pusoon am luuson.

DANIL 11:40

“Paat ra maar noyo masaboi pupus ru kakuasaan raja' ru Siria, raja' ru Misir mamulunsar riso. Kaa' raja' ru Siria mambalos ra pamulunsaran no ra ngaangai' ru ikang nano. Raja' ru Siria mamakai ra kurita' kuda, kuda am masuang kapal ru timug. Koson ra rosob, raja' ru Siria mamulunsar ra masuang pagun,

DANIL 9:26

Pompor ru paat raginio, tingganai ondo' pinili' ri Aki Kapuuno' no potoyon kabalu' pana kolondo' sala nano. Bandar Jirusalim am Baloi ru Tuhan pusoon ru pulalai ru saujor ru sangulun raja' ondo' makakuasa'. Pupus ru ginio sumaboi koson ra liur ondo' magibit ra pampatayan am kapusaan ondo' inaru' noyo ri Aki Kapuuno'.

AMOS 8:8

Ginio ra tana' ti mogonggon am ngaangai' ulun giu' ra pagun no magalabo. Titikop ru pagun mauyog; tana' ti magaloi tumuun koson ra Sungoi Nil.

NAGUM 1:1

Gitio noyo tanou intor ri Aki Kapuuno' intor ra bandar Niniwi. Tanou ti pinabala' ralalom pinaintalang ri Nagum, sangulun nabi intor ra Ilkos.

NAGUM 2:8

Mamagun ru Niniwi masimbul mingkual intor ra bandar koson ra timug mingkual intor ra ombon ondo' naabak. Morongog golok, “Longgo'! Longgo'!” kaa' kolondo' sangulun pana ondo' masaga' sumaguli'.

JIPANYA 2:13

Mopongo raginio pakayon ru Tuhan kuasa' Nano koson manutuk ra Asyur. Bandar Niniwi saukon ra intok ondo' masiluk kaga' am tana' kaagisan ondo' mapua'.

MATIUS 7:27

Paat ra rumasam maawas, mampaliur am masiob ru bagiu' mapuor, baloi no pana matungkob am malunsai boo toojo.”

MATIUS 8:12

Kaa' ulun-ulun ondo' sotopot no masauk ra ulun ri Aki Kapuuno' patirin giu' ra lisar ondo' molondom no. Giu' no pasalangis am sakuritot ayuk boo ripon nilono sabap ra maruol kaga'.”

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.