NAGUM 1:6 - Tanou Moonsoi Timugon

⁶ Osoi kia tumaan paat ra Tuhan sumangit? Kolondo' osoi pana makalabus intor ra sangit Nano. Paabuson No sangit Nano ondo' bibilak, saboi batu maumok am masauk ra kaau giu' ra saang Nano.

NAGUM 1:6 Iomraidhean Croise

1 RAJA'-RAJA' 19:11

Indagu Tuhan riso, “Ingkual no intor ra luang batu no am bigor no ra saang Kutu giu' ra tampak ru gunung.” Kopongo raginio pansail Tuhan ra giu' no. Angin mapuor kaga' ondo' nampalapak ra gunung am nomopol ra kabuluran no siminigulu ra Tuhan, kaa' Tuhan kalo minintalang ralalom ru bagiu' mapuor kaga' no. Pokolonggo' bagiu' mapuor kaga' no, nasauk mogonggon, kaa' kalo minintalang Tuhan ralalom ru mogonggon no.

AYUP 26:11

Paat ra Io mindagu ra malasang, lugu'-lugu' panungka' ra limbowon mapuyu'.

AYUP 40:11

Ilai' toojo ulun ondo' lumimbau; paabuso' sangit muno am pagasab no risilo.

AYUP 9:5

Mabandingan No gunung ra mapulalian, am mamuso riso paat ra sumangit.

MAZMUR 130:3

Amon ru rayusin Mu mangkara' ra tula maino, osoi kia makalabus ra ukuman?

MAZMUR 2:12

igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!

MAZMUR 76:7

Bulintok ra Okou mangingilaa', iou Aki Kapuuno' ri Jakub, kuda am niayuk nangura' riso no maratu' am matoi.

MAZMUR 76:8

Kaa' Okou, iou Tuhan, kalaanin ru ulun. Bulintok ra Okou sumangit no osoi kia tumaan?

MAZMUR 90:11

Osoi kia nakaili' ra sangit Muno moporos kaga'? Osoi kia makatutun ra kinibit ru sangit Muno?

JISAYA 10:16

Tuhan Ondo' Maayo' Kaga' Kuasa' mamparatong ra maruol koson mangukum ra panglima-panglima ondo' maikang. Matiu' ilo ra maruol ru salom koson ra apui sumolob ra rumalat-ralat.

JISAYA 13:13

Limbowon pasaukon Ku monontol, am tana' ti mauyog intor ra intok nano paat ra orou raginio, Bulintok ra Aku, Tuhan Ondo' Maayo Kaga' Kuasa' mapatalang ra sangit Kuno.

JISAYA 27:4

Kalo boo sumangit Aku ra umo no. Amon ru makasulinit am makasakot, koyoon Ku surui' saboi mapuso.

JISAYA 33:14

Namagun ra Sion ondo' makatula monontol malaa'. Konilo, “Ukuman intor ri Aki Kapuuno' koson ra apui ondo' monolob ra sabuoi-buoi no. Mokoondo' kia osoi mabayag intor ra apui no?”

JISAYA 66:15

Matong Tuhan mabaya' ra apui. Matong Io sumakoi ra bagiu' koson mangukum ra ulun ondo' sangitin Nano.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

SULABOI 2:3

Ralalom ru sangit namuso Io ra kaikangan ru Israil; marara' Io mangindangan ritakau paat ra pantula' matong. Sangit Nano ritakau bibilak koson ra apui mangumpo ra ngaangai'.

SULABOI 2:4

Patumaan no panah ra tampilon takau ilain koson itakau ti pantula' Nano; Potoyon No ngaangai' ulun ondo' nasauk ra kasagaan am mapabansuk ra guang takau. Giu' ra bandar Jirusalim makaliman takau ra apui ru sangit Nano.

SULABOI 4:11

Pinaabus ru Tuhan sangit Nano am monolob ra bandar Sion saboi napuso.

YEHEZKIEL 21:31

Makaliman kau ra sangit Kuno koson ra apui ondo' bibilak paat ra Aku mapaabus raginio ramuyun. Pataakon Takamin ra ulun mapuka', ondo' nakaigila' mamuso ra ulun.

YEHEZKIEL 30:16

Solobon Ku Misir, am Pilusium pana maimbolo'. Timbok ru bandar Tibi lunsayon am bandar no malumpa' ru liur.

YEHEZKIEL 39:6

Mampaang Aku ra apui giu' ra pagun Magog, am giu' ra gawar ru nagas intok ru ulun maayag ra kaansayan. Ngaangai' ulun makapandai boo ra Aku noyo Tuhan.

YEHEZKIEL 7:8

Sangkinolor poyo am makaliman kau ra kinoporos ru sangit Kuno. Mangakim Aku ramuyun, am mambalos Aku ramuyun ra ngaangai' paliso min ra makauyuyu' no.

NAGUM 1:2

Tuhan i Aki Kapuuno' kalo masaga' ra mokoondo' pagilou, ulun ondo' manggal Riso maaru' makaalap ra ukuman. Ra sumangit kaga', mansuli' Io ra pantula' Nano.

JIPANYA 2:2

ra akau kalo poyo pagiruon koson ra apol ondo' siobon ru angin. Pakaliman kano ra kalo poyo makasaboi orou sangitan ru Tuhan, am ra akau kalo poyo malumpa' ra sangit ru Tuhan ondo' bibilak.

MALIAKI 3:2

Kaa' osoi kia ondo' tumaan ra orou Io matong am mintalang ra inan? Io koson ra sabun ondo' totopot makalulu' am koson ra apui ondo' manuyu' ra logam.

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

PINAINTALANG 16:1

Pokorongog aku boo ra bolos mosongou intor ra Baloi Tuhan minindagu ra tulu' malaikat no, “Ugar no am pasasaro' suang ru sangkir ru sangit am ukum ri Aki Kapuuno' no ra tana'!”

PINAINTALANG 16:8

Pasasaro' boo ru malaikat kaapat no suang ru sangkir nano ra mato ru orou suku' lasu' nano ra makalalaa' makapangumpo ra ulun.

PINAINTALANG 6:17

Orou ilo mangukum no tumalimpuun noyo am osoi kia tumaan no?”