NAGUM 1:4 - Tanou Moonsoi Timugon

⁴ Ra susuban Nano, raat malasak; sungoi pana lasakin. Padang-padang giu' ra Basan mapua', Gunung Karmil pana mapua', am lumonot boo bunga'-bunga' giu' ra Libanon.

NAGUM 1:4 Iomraidhean Croise

KASAUKAN 8:1

Kalo napalilian i Aki Kapuuno' ri Nuu am ngaangai' bibiag ondo' nababaya' riso ralalom ru kapal no. Pinagangin No saboi miniit rosob.

2 SAMUIL 22:16

Lonor ru raat nasukab, am sonor ru tana' ti nasukiap, paat ra Tuhan nansawai ra pantula' Nano, am nompogolok ra siminangit risilo.

AYUP 38:11

Nambala' Aku riso, ‘Polos ragiti ayuk, am kalo boo kaaluron poyo! Giti noyo kinulun muno ondo' maikang musiti' lumonggo'.’

MAZMUR 104:7

kaa' timug pana miit bulintok ra Okou mansawai riso; timug no maaug toojo bulintok ra io makaining ra bolos mosongou Muno.

MAZMUR 106:9

Susubon No Raat Galaga am raat no pana mapua', ibiton No ulun Nano mugar ra raat, koson mugar ra tana' kaagisan.

MAZMUR 114:3

Raat Galaga magilong am pagiru', Sungoi Jordan liminonggo' tumilis.

MAZMUR 114:5

Atan kia kinibit saboi okou magiru', alii ra raat? Kua kia longgo' tumilis, alii ra Sungoi Jordan?

MAZMUR 18:16

Lonor ru raat nasukiap, am lonor ra ralalom ru tana' nakatalang, bulintok ra Okou nansawai ra pantula' Muno, iou Tuhan, am ginalakan Mu ilo ra sangit.

MAZMUR 74:15

Baalon Mu taur am sungoi tumilis; kinapua' Mu sungoi ra mangaayo.

JISAYA 33:9

Pagun nokoloso am masiluk. Kataunan ra Libanon nasauk liminonot; limayak Saron ra malabung nasauk koson ra tana' kaagisan; giu' ra Basan am Gunung Karmil raun-raun nangatutu'.

JISAYA 42:15

Gunung am bulur saukon Ku mapua', am mopolonot ra nansalinut tutuu' am sakot. Kulawon Ku sungoi giu' ra limayak masauk ra tana' kaagisan, am mapalasak ra kulam-kulam ru timug.

JISAYA 44:27

Ralalom ru panusuban Kuno, raat masauk malasakan.

JISAYA 51:10

Okou niayuk nampalasak ra raat, timug ru raat ondo' malandom. Binaal Mu ralan giu' ra tatanga' ru timug no, maa' raginio ulun-ulun bayagon makasandaup.

YEHEZKIEL 30:12

Lasakin Ku Sungoi Nil am pataakon Misir ra ralalom kuasa' ru ulun malaat. Ulun bansa' ru bokon mamuso ra titikop pagun no. Aku, Tuhan nakaindagu noyo.”

YEHEZKIEL 38:20

Ngaangai' papait am susuit, ngaangai' bibiag maayo am boborok, am ngaangai' ulun ra tana' ti monontol sabap ra malaa' Raki'. Gunung maluyu', tobo matuan am moonong timbok malunsai.

AMOS 1:2

Gitio noyo ondo' rinagu ri Amos, “Tuhan nansangal intor ra Bulur Sion, bolos Nano nonggolon intor ra Jirusalim. Padang ru sakot nasauk ra mapua', sakot giu' ra Gunung Karmil nasauk ra mapua'.”

AMOS 5:8

Nambaal Tuhan ra butitin-butitin giu' ra limbowon – butitin Orion am butitin Kartika. Kinulau No kalandaman nasauk ra sinda, am nangulau ra matawang nasauk ra molondom. Piniau No timug intor ra raat am timug no pinasasar ra lantur. Tuhan noyo inggalan Nano.

MATIUS 8:26

Taam i Jisus, “Kua kalaa' kau? Topot-topot noyo malawo pangintapatan min!” I Jisus pana siminukal boo am palinoso' bagiu' am kinulun no. Linos boo bagiu' no am maliuk boo kaga'.

JOSUA 3:16

muog sungoi no tumilis. Maalur giu' ra ralayo ru sungoi, natimung timug no giu' ra Adam, rondo' bandar maar ra Sartan. Timug ondo' tumilis mongoi ra Raat Matoi naputat toojo. Ginio ra nakalaup ulun ru Israil ra sungoi maar ra bandar Jiriko.