NAGUM 1:10 - Tanou Moonsoi Timugon

¹⁰ Akau magauk solobon koson ra rami ondo' mapua', koson ra bulungkut makaruui ondo' nanririlit.

NAGUM 1:10 Iomraidhean Croise

2 SAMUIL 13:28

Nanusub i Absalom ra ulipon-ulipon nano, “Ilai' min toojo, amon ru nagauk noyo i Amnon sabap ra manginum ra wain, mangani' aku ra pulanu, am potoyo' io. Pai' kalaa'. Aku mansaan ra baal raginio. Baalo' noyo ra baani am pai' pagantangan!”

MAZMUR 118:12

Koson ra maningot ilo manguup raki', kaa' mataki' ilo mosolob koson kinataki' ru bulungkut; pusoon ku ilo ra kuasa' ru Tuhan.

MAZMUR 68:2

Bigor i Aki Kapuuno' am pantutuliaro' pantula' Nano. Ulun ondo' masisang Riso nagiru' intor Riso.

KAINGKUALAN 15:7

Ra kinaayo kaga' Muno, pinuso Mu pantula' Muno; sangit Muno nasimbuluk am nonolob risilo koson ra rami.

KAINGKUALAN 5:12

Ginio ra ongoi ulun ru Israil ra titikop pagun ru Misir maguyum ra rami.

JISAYA 27:4

Kalo boo sumangit Aku ra umo no. Amon ru makasulinit am makasakot, koyoon Ku surui' saboi mapuso.

JISAYA 47:14

Ilo koson ra rami ondo' nakai' kosolob ru apui; kalo makapamayag ilo ra inan nilo galama'! Simbula' ru apui no malasu' kaga' limanin nilo, sala ka apui malasu' pandarangan.

JISAYA 5:24

Ginio ra ati koson ra rami am sakot mapua' maluoi mosolob, ginio niayuk ra bakat mino mapasa' am bunga' mino lumonot, am masiob ru angin, sabap ra pangilaan ru Tuhan Ondo' Maayo Kaga' Kuasa', i Aki Kapuuno' ru Israil, i Aki Kapuuno' ondo' matulai, inimpayan min.

JISAYA 56:12

Mindagu ilo gagaukon no, ‘Pagiginum takau ra wain ra kasuang-suang! Susuab no moonsoi poyo ka raiti'.’ ”

JISAYA 9:18

Sabap ra Tuhan Ondo' Maayo Kaga' Kuasa' siminangit toojo, ukuman Nano koson ra apui ondo' nonolob ra titikop ru pagun no am niayuk namagun nano. Moonong ulun mangkara' ayuk ra kaatangan ru inan nano galama'.

JIRIMIA 51:39

Liliwa' suung ru akan nilo sumonor, paakanon Ku ilo, am gaukon ilo am karuolon ulu. Mombolong ilo am kalo boo tumirong-tirong.

JIRIMIA 51:57

Mangkinibit Aku ra panguasa'-panguasa' mangagauk – ulun nano ondo' mapintar, tingganai-tingganai nano am saujor-saujor nano. Mombolong ilo am kalo boo tumirong-tirong. Aku, Raja' nakaindagu noyo; Aku noyo Tuhan Ondo' Maayo Kaga' Kuasa'.

MIKA 7:4

Ondo' moonsoi toojo pana am mabanis guang intor risilo pana koson bulungkut ru ruui ondo' kolondo' onong. Nasuku' noyo bulintok nano ri Aki Kapuuno' mangukum ra ulun ragitio, koson ondo' pinakara' No risilo ondo' pinabala' galing ra nabi-nabi Nano. Raino nasauk noyo kajajawan ralalom nilo.

NAGUM 3:11

Okou Niniwi, okou pana magauk. Piroton mu niayuk koson mamayag ra inan intor ra pantula'.

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

1 SAMUIL 25:36

Paat ri Abigail minuli' ri Nabal, mokoondo' bunsag maayo giu' ra baloi nano, koson ra bunsag ru raja'. Sabap ra nagauk i Nabal am maansukan, kalo nambala' i Abigail ra atan pana riso saboi ra suabon no.