MAZMUR 99:8 - Tanou Moonsoi Timugon

⁸ Iou Tuhan, i Aki Kapuuno' mai, iniou Mu kinitaak ru ulun Muno; pinatalang Mu ra Okou noyo i Aki Kapuuno' ondo' masaga' mangampun ra ulun, kabalu' pana inukum Mu ilo sabap ra tula nilo.

MAZMUR 99:8 Iomraidhean Croise

2 SAMUIL 12:14

Kaa' sabap ra nagasab kou ra Tuhan ra binaal raginio, anak ungkuyon muno ondo' bagu inanak no matoi.”

MAZMUR 78:38

Kaa' makaasi' i Aki Kapuuno' ra ulun Nano. Ampunon No tula nilono am kalo mamuso risilo. Masalok Io mongorot ra sangit Nano, am kalo paabuson no sangit Nano.

MAZMUR 89:33

ukumin Ku ilo sabap ra tula nilo, am mangkinibit ra ilo maimbolo' sabap ra nasalaan nilo.

KAINGKUALAN 32:2

Indagu i Arun risilo, “Paguso' anting-anting mas ondo' inanting ru andu', anak ungkuyon am anak ruandu' min, am ibito' ngaangai' no raki'.”

KAINGKUALAN 34:7

Suguton Ku bantu' Kuno ra riribu papag, am niayuk mangampun ra kalaatan am tula, kaa' kalo mapalabus Aku ra ulun makasala intor ra ukuman. Mangukum Aku niayuk ra anak am akupu nilo, saboi ra papag ra katalu am ra kaapat, sabap ra tula ru matuo nilo.”

MAMPATANOU 7:29

Gitio ayuk ondo' inigilaan kuno: I Aki Kapuuno' mangaru' ritakau masauk ra mabanis guang, kaa' itakau galama' ti ondo' manumbalik ra ragu.

JIRIMIA 46:28

Matong Aku am mamayag ramuyun. Pusoon Ku ngaangai' pagun intok nampatutuliaran Kuno ramuyun, kaa' kalo mamuso Aku ramuyun. Kalo palabuson Takamin intor ra ukuman, kaa' paat Takamin ukumin, matimpok Aku. Aku, Tuhan, nakaindagu noyo.”

JIPANYA 3:7

Mangkara' Aku, ‘Raino maaru' ulun Kuno mangurumat Raki' am mangapu ra pangilaan Kuno. Maaru' masalok ilo mangkara' ra pangilaan ondo' pinataak Ku risilo.’ Kaa' ilain ra giminaai ilo poyo nambaal ra malaat intor ra buoi ti.”

UNTABAN 20:12

Kaa' nansawai Tuhan ri Musa am i Arun, am indagu, “Sabap ra kalo kula' kau mangintopot Raki' koson mapakito ra kuasa' Kuno ondo' matulai giu' ra saang ru ulun ru Israil, kalo matingganai min ulun no mongoi ra tana' ondo' binantu' Kuno risilo.”

UNTABAN 20:24

“Kalo mokoongoi i Arun giu' ra tana' ondo' binantu' Kuno ra ulun ru Israil. Matoi io sabap ra akau ruo kalo giminagaya' ra susuban Kuno giu' ra Miriba.

ROMA 1:21

Kabalu' pana nakatutun ilo ri Aki Kapuuno', kalo mangurumat kapoam maringkuanang ilo Riso. Kaa' pamaguangan nilo kolondo' onong am guang nilo ra jajajou no liminondom.

SAGULION 3:26

Kaa' akau nangkinibit noyo ra Tuhan siminangit raki' saboi kalo masaga' Io mangiou ra kitaak kuno. Kaa' indagu Io, ‘Sama' noyo, pai' noyo boo sabito' baal raginio!