MAZMUR 82:3 - Tanou Moonsoi Timugon

³ Sungkaa' noyo anak napatayan ra matuo am ulun malawo; pakaasi' no ra ulun musikin am ondo' kolondo' lulu'.

MAZMUR 82:3 Iomraidhean Croise

AYUP 29:12

Ra ulun musikin, inindangan ku; ra lalaing nailusan ra matuo ondo' kolondo' intok lansanan, inindangan ku.

AYUP 31:21

Amon ru igondo' aku pamparuung ra anak nailusan ra matuo sabap ra nakapandai aku ra mamanang aku ra baal kuno,

MAZMUR 10:18

Rongogon Mu tangi' ru ulun nailusan ra matuo am ulun ondo' inimbolo'; sungkaan Mu ilo maa' raginio kalo boo ilaanon ilo ru ulun.

KAINGKUALAN 23:3

Pai' pamparuung paat ra sangulun musikin bisaraan giu' ra makama.

KAINGKUALAN 23:6

“Pai' talingaawo' katimpakan intor ra ulun musikin ondo' matong mapabala' ra makama.

AMSAL 31:9

Sungkaa' ilo no am kasauk no ra akim ondo' matimpok. Sindungi' noyo pagapuan ru ulun musikin am ulun makakapaganan.”

JISAYA 1:17

kaa' igigila' kau mambaal ra moonsoi. Pabigoro' noyo katimpakan: am indangano' ulun ra inimbolo', anii' anak ondo' nailusan ra matuo no ra ondo' motopot, sungkaa' noyo baal ru ulun-ulun napuor.”

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

JIRIMIA 22:16

Mangakim io ra baal ru ulun musikin ra matimpok; ngaangai' no mugar ra moonsoi riso. Ginio arati' no makaulig ra Tuhan.

JIRIMIA 22:3

“Baalo' noyo atan ondo' matimpok am mabanis. Palabuso' noyo ulun ondo' rinuung intor ra kuasa' ru ulun ondo' namparuung riso. Pai' ulipono' kapoam kalaat ra ulun bansa' ru bokon, anak nailusan ra matuo kapoam ulun napuor. Pai' pamatoi ra ulun ondo' kolondo' sala ra intok matulai ti.

JIRIMIA 5:28

am niayuk molomok am moonsoi bayag. Kalaatan nilo kolondo' polos. Kalo mangindangan ilo ra anak nailusan ra matuo, am kalo matimpok ra ulun inimbolo'.

JAKARIA 7:9

“Paat ra galing i, nangani' Aku ra susuban ti ra ulun Kuno, ‘Akau musiti' mambaal ra matimpok, moonsoi guang am makaasi' ra ulun ru akau po ngai'.

SAGULION 10:18

Manutun Io maa' raginio anak kolondo' matuo am napuor matimpok pamakuan. Motogom Io ra ulun bansa' ru bokon ondo' minayan mabaya' ra bansa' takau; nanaak Io risilo ra akanon am bayang.

SAGULION 24:17

Pai' talingaawo' kaapuan ru ulun bansa' ru bokon am anak nailusan ra matuo. Pai' alapo' bayang ru sangulun napuor koson ra jaminan ru utang nano.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.