MAZMUR 81:8 - Tanou Moonsoi Timugon

⁸ Bulintok ra akau makakapaganan, mampiau kau Raki', am Aku pana mamayag ramuyun. Intor ra intok pansibunian Kuno ra ralalom ru gaun ru ganit, iowon Ku kinitaak mino; giu' ra taur ru timug Miriba nangkinam Aku ramuyun.

MAZMUR 81:8 Iomraidhean Croise

MAZMUR 50:7

“Rongogo' noyo, akau ulun Kuno, mindagu Aku; sonsolon Takamin, akau Israil. Aku no i Aki Kapuuno', i Aki Kapuuno' min.

MAZMUR 81:13

Ginio ra nopoloso Aku risilo maya' ra kasagaan nilono, am mambaal ra kasagaan nilono.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

KAINGKUALAN 17:7

Intok no ininggalanan ra Masa am Miriba sabap ra mambubutok ulun ru Israil am mangkinam ra Tuhan paat ra ilo mangkuot, “Maya' kia Tuhan no ritakau kapoam kalo?”

KAINGKUALAN 19:16

Paat ra orou ra katalu, ra iosusuab, makatimpalak am makaganit ra rasawat ru gunung. Makito gaun makapal ra giu' no, am maining bolos ru bujung ondo' mosongou kaga'. Moonong ulun ra pangkiman no nonontol ra malaa'.

JISAYA 1:19

Amon ru masaga' kau gumagaya' Raki', makasia' kau ra ampos ru tana' mino.

UNTABAN 20:13

Kasaukan raginio nasauk giu' ra Miriba. Giu' no nambubutok ulun ru Israil ra saang ru Tuhan, am giu' no niayuk nanulu' Tuhan ra kuasa' Nano ondo' matulai ra ulun no.

JUANIS 3:11

Balain tokou toojo: Akai ti mampaintutun ramuyun ra atan napandayan am nakito mai, kaa' marara' kau mangapu.

RINALATAN 20:21

Nampakara' aku ra ulun ru Jaudi am niayuk sala' ka Jaudi koson ra tumalikur ilo intor ra tula am sumaguli' ri Aki Kapuuno' am mangintopot ra Tuhan Jisus.

SAGULION 32:46

indagu io, “Musiti' kau gumagaya' ra ngaangai' susuban ondo' taakin kuno ramuyun ra orou raiti'. Balai' anak-anak min ra ngaangai' no, maa' raginio gumagaya' ilo toojo ra ngaangai' pangilaan ri Aki Kapuuno'.

SAGULION 5:27

Okou Musa, ugar noyo am rongogo' noyo ngaangai' ondo' rinagu ru Tuhan i Aki Kapuuno' takau. Kopongo raginio saguli' noyo am balai' akai ra atan ondo' rinagu Nano rirun. Mangkirongog am gagayaan mai.’

1 JUANIS 5:9

Mangintopot takau ra kaintutunan ru ulun, kaa' mulu' poyo toojo ra kaintutunan ri Aki Kapuuno'. Ginio noyo kaintutunan ri Aki Kapuuno' intor ra Anak Nano, i Jisus Kristus.