MAZMUR 8:2 - Tanou Moonsoi Timugon

² Iou Tuhan, i Aki Kapuuno' mai, katulayan Muno makito ra titikop ru tana' ti! Suku' ra limbowon no katulayan Muno inompor,

MAZMUR 8:2 Iomraidhean Croise

MAZMUR 148:13

Ilo ngaangai' no musiti' mongompor ra inggalan ru Tuhan! Matulai poyo Io ka bokon no; maayo poyo kuasa' Nano kaa' ngaangai' soroi ra tana' ti am suruga'.

MAZMUR 4:4

Karaa' ra Tuhan noyo nampili' ra ulun ondo' gumagaya' Riso koson ra longgom Nano, am mangining Io paat ra aku mampiau Riso.

MAZMUR 44:16

Monsongorou aku asabin, am mauyu' boo pangkaraan,

MAZMUR 46:10

Pinolonggo' No pangayawan ra titikop ru tana' ti; pinandak No tanggayan ru panah, tanggulan am gagampin sinolob.

MAZMUR 57:6

Iou Aki Kapuuno', patalango' noyo kinaatang Muno giu' ra limbowon, am katulayan Muno ra titikop ru tana' ti!

KAINGKUALAN 11:7

Kaa' intor ra tayar ru ulun ru Israil, ulun kapoam bibiag kalo jojowon. Raginio boo, makapandai kou ra Aku, Tuhan, mapasuai ra ulun ru Misir am ulun ru Israil.’ ”

KAINGKUALAN 15:16

Talou am laa' lumumpa' risilo. Nakito nilo ikang Muno, iou Tuhan, kalo makalulu' ilo sabap ra matalou, saboi ulun Muno nansail ra saang nilo – ulun ondo' pinalabus Muno intor ra pangulipanan.

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

JISAYA 6:3

Ilo ondo' maayag no mampiau ra rondo' am bokon, “Matulai, matulai, matulai! Matulai noyo Tuhan Ondo' Maayo Kaga' Kuasa'! Tana' natikop ra rinatangan Nano ondo' matulai.”

AMOS 5:9

Namuso Io ra ulun maikang, am namuso ra pangampinan nilo.

ABAKUK 2:20

Tuhan soroi giu' ra ralalom ru Baloi Nano ondo' matulai; ngaangai' ulun ru tana' ti musiti' mongkoror giu' ra saang Nano.

MATIUS 11:25

Paat ragili indagu i Jisus; “Ama', Tuhan ru limbowon am tana'! Paringkuanangan Ku Rirun sabap ra pinakito Mu ngaangai' raginio ra ulun kolondo' kapandayan, am pinasibuni Mu intor ra ulun mapintar am nakaigigila'.

MATIUS 21:16

Konilo ri Jisus, “Makaining kou ra atan sinabit nilono?” “Iou, makaining Aku,” taam i Jisus. “Kalo kia igondo' kau pambasa' tayar ru Buuk Kitab ragitio? ‘Lalaing am lalagang inila' Mu noyo mongompor ra matanda'.’ ”

LUKAS 10:21

Paat ragili niayuk naansukan i Jisus ra kinuasa' Io ru Ambiluo ri Aki Kapuuno', indagu Io, “Ama', Tuhan ru limbowon am tana'! Paringkuanangan Kuno Rirun sabap ra pinakito Mu noyo ra ulun kolondo' kapandayan ondo' pinasibuni Muno intor ra ulun mapintar. Ama', ginio noyo kasagaan Muno.

1 KORINTUS 1:27

Siningon ri Aki Kapuuno' nampili' ra ondo' kinara' ra sasambungon ru ulun ru tana' ti, koson mampakauyu' ra ulun-ulun mapintar no. I Aki Kapuuno' niayuk nampili' ra ondo' kinara' ra malawo ru ulun ru tana' ti, koson mampakauyu' ra ulun-ulun maikang no.

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.