MAZMUR 4:5 - Tanou Moonsoi Timugon

⁵ Paat ra akau sumangit, pai' boo pakatula. Karaan noyo baal raginio liliwa' mongkoror, paat ra akau miluluya' ra intok kaalangan.

MAZMUR 4:5 Iomraidhean Croise

2 SAMUIL 15:12

Liliwa' ri Absalom mampataak ra taak simbalui, nangator io niayuk ra ulun sinusub ra bandar Gilo koson mampiau ri Agitopil, sangulun intor ra maminson ra Raja' Daut. Koon raginio noyo baal nampakatan koson manggal ra Raja' Daut lumanja' ikang, am maamaya' ri Absalom lumanja' suang.

MAZMUR 2:12

igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!

MAZMUR 26:1

Mazmur ri Daut. Anii' aku ra katimpakan, iou Tuhan, sabap ra nambaal aku ra motopot, am mangintopot aku toojo Rirun ralalom ru guang kuno.

MAZMUR 37:3

Pangintopot no ra Tuhan am pambaal kano ra ondo' moonsoi; ayan no ra pagun ragitio am akau pana maayag.

MAZMUR 50:14

Pataako' min noyo ragu paringkuanangan koson ra taak simbalui ri Aki Kapuuno', pataako' min noyo ngaangai' taak ra binantu' min Riso Ondo' Maayo Kaga' Kuasa'.

MAZMUR 51:19

Taak kuno iono guang ra natutuk, iou Aki Kapuuno'; guang ondo' naumok am pansagulian, apuon Mu.

MAZMUR 62:8

Pamayagan kuno am kaatangan kuno lumansan ri Aki Kapuuno'; Io noyo manindung raki' ondo' maikang; Io noyo intok sindungan kuno.

MAZMUR 77:7

Masuaban aku mangkara'; mikukuot aku ralalom ru guang,

JISAYA 50:10

Akau ondo' mangurumat ra Tuhan, am mangkirongog ra ragu ru ulipon Nano, ralan ra bayain mino magu' molondom, am kolondo' sinda makatampulau ramuyun; kaa' pangintopot noyo ra Tuhan; am lansang no ri Aki Kapuuno' mino.

JISAYA 61:8

Mindagu Tuhan, “Motogom Aku ra katimpakan, am masisang Aku ra pangimbalaan am kalaatan. Ralalom ru gagaya' manaak Aku ra tangguang ra ulun Kuno; mambaal Aku ra nabantuan ondo' mantilayun risilo.

MALIAKI 1:8

Paat ra akau mampataak ra bibiag ondo' bolou, ondo' marualan, kapoam ondo' kimpo' koson ra taak ra tayar Kuno, kalo kia baal raginio makasala? Kinami' pataako' bibiag koson raginio ra gabenor! Maansayan io kia ramuyun, am pamakuan ramuyun moonsoi kia?”

MATIUS 5:23

Ginio ra, amon ru masaga' kou mampataak ra taak muno ri Aki Kapuuno' ra rasawat ru altar, am makakara' kou ra mokoondo' pabukat muno masisang rirun,

SAGULION 33:19

Nangkimait ilo ra bansa' ru bokon mongoi ra gunung; giu' no mapataak ilo ra taak simbalui ondo' kaansayin. Makaalap ilo ra kalangkayaan intor ra raat, am intor ra agis ra galur ru nagas.”

1 PITRUS 4:19

Ginio nai ra osoi ayuk maimbolo' sabap ra gitio noyo inatang ri Aki Kapuuno', rayusin nilo ayuk mambaal ra moonsoi am pataakon nilo boo kaayagan nilo galama' Riso ondo' nampasauk risilo am Io maalap kalansani'.