MAZMUR 4:3 - Tanou Moonsoi Timugon

³ Ngaangai' ulun, kula' poyo buoi ra akau magasab Raki'? Kula' poyo buoi ra akau monogom ra baal kolondo' onong no, am mangilou ra ondo' kalo motopot?

MAZMUR 4:3 Iomraidhean Croise

MAZMUR 31:23

Malaa' aku ra indoson ku ru manginggalar Tuhan no raki' ra intok ratangan Nano. Kaa' rinongog No nampiawan kuli, paat ra aku makiindangan Riso.

MAZMUR 34:15

Tatango' min kalaatan am pambaal kano ra moonsoi; gogoto' min toojo pababansayan.

MAZMUR 49:3

ulun ra nasuangan kapoam ulun ra nauligan kaga', ulun musikin kapoam langkaya'.

MAZMUR 50:5

Mindagu Io, “Luluro' min noyo ulun Kuno ondo' gumagaya', ondo' mangirot ra nabantuan Raki' am piniot poyo ra taak simbalui.”

MAZMUR 56:9

Okou nakapandai mapara' labo ru guang kuno; nakapandai Kou mapara' suang ru lomou kuno. Sala ka kia nakatulis ngaangai' no ra kitab Muno?

MAZMUR 6:8

Mato kuno majapul am minangkut ra taatangi', ngaangai' no intor ra kinibit ru pantula'-pantula' kuno.

MAZMUR 62:10

Ulun ti koson ayuk ra labus ru paminawo; maayo kapoam boborok nogondo' ayuk kolondo' logo. Amon timbangon, mamaan ilo ayuk, mamaan poyo intor ra igondo' labus maminawo.

KAINGKUALAN 33:16

Ati kulaan ulun bokon makapandai ra maansayan Kou ra ulun Muno am aku, amon ru kalo maya' Kou ramon? Saang Muno ra tatanga' mai mapasusuai ramon intor ra bansa' bokon ra tana' ti.”

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;