MAZMUR 26:8 - Tanou Moonsoi Timugon

⁸ Iou Tuhan, tagamin ku baloi ayanan Muno, intok ondo' natikop ra katulayan Muno.

MAZMUR 26:8 Iomraidhean Croise

2 SAMUIL 15:25

Kopongo raginio kon ru raja' no ri Jadok, “Pasagulio' Kaban Nabantuan no ra bandar. Amon ru maansayan Tuhan no raki', maaru' mangiou io raki' saguli' am makakito ra Kaban Nabantuan no poyo, am niayuk intok ru Kaban Nabantuan no binulian.

1 TUNUNG RU BANSA' ISRAIL 29:3

Suai raginio, pinataak ku noyo pirok am mas intor ra rapu' longgom kuno galama' sabap ra togom kuno ra baloi ri Aki Kapuuno' kuno.

2 TUNUNG RU BANSA' ISRAIL 7:1

Kopongo Raja' Salomo nakiasi', apui riminatu' intor ra limbowon am nonolob ra taak-taak simbalui ondo' pinataak no, am sinda ratangan ru Tuhan nakatikop ra Baloi ru Tuhan.

2 TUNUNG RU BANSA' ISRAIL 7:2

Sabap ra Baloi ru Tuhan natikop ra sinda ratangan ru Tuhan, imam-imam pana kalo boo makaumpos ra ralalom no.

MAZMUR 122:9

Koson ra kaansayan ra Baloi ru Tuhan, i Aki Kapuuno' takau, makiasi' aku gama' lumangkaya' kau.

MAZMUR 42:4

Orou rondom aku mantangi', lomou ayuk akanon kuno; magail ayuk pantula' kuno mangkuot raki', “Ati kia i Aki Kapuuno' muli?”

MAZMUR 84:10

Barakato' noyo raja' maino, iou Aki Kapuuno', raja' ra pinili' Muno.

JISAYA 38:20

Binabas Mu noyo aku, iou Tuhan. Mangkuli akai ra jitor am marimbai ra rimbai pangamparan, buoi ru painawo mai giu' ra Baloi ru Tuhan.

JISAYA 38:22

Pangkuot Raja' Gijkia, “Atan kia tatandu' no ra aku mokoongoi poyo ra Baloi ru Tuhan?”

YEHEZKIEL 3:12

Kayango' aku boo ru Ambiluo ri Aki Kapuuno', am norongog ku bolos mosongou intor ra talikuron ondo' mindagu, “Omporo' noyo katulayan ru Tuhan giu' ra suruga'!”

LUKAS 2:46

Kataluan ilo naguyum am bagu katuum nilo Io ralalom ru Baloi Tuhan. Nanturung i Jisus ra giu' no mangkirongog am mangkuot ra mangingila' ra ugama Jaudi.

LUKAS 2:49

Taam i Jisus, “Kua uyumo' min Aku? Kalo kia nakapandai kau ra inatang noyo Aku ti soroi ra baloi ru Ama' Kuno?”