MAZMUR 15:3 - Tanou Moonsoi Timugon

³ ondo' kalo manimbaal ra ragu ra ulun bokon; kalo naninduol ra guang ru rangan, am kalo mampaluta' ra pinasambalayan;

MAZMUR 15:3 Iomraidhean Croise

AMSAL 22:10

Inggalari' ulun ra magasab, bagu no kolondo' pansangaran, pagansangan, am magulas.

AMSAL 25:3

Kalo mapandayan min pangkaraan ru raja'. Pangkaraan ru raja' masawat poyo ka pangkaraan takau, koson ra kinasawat ru limbowon am kinalandom ru raat.

JISAYA 56:2

Barakatin Ku ulun ondo' gumagaya' ra orou Sabat kalo lumaat ra orou raginio. Ulun ondo' kalo mambaal ra kalaatan moonsoi pamakuan Kuno riso.”

IMAMAT 19:16

Pai' potonowo' ragu sinimbaal intor ra ulun bokon. Paat ra bisaraan sasangulun no, pai' pangani' ra inono' magabau ondo' mangkinibit ra ulun no ukumin ra matoi. Aku noyo Tuhan.

MATIUS 7:12

“Baalo' min noyo ra ulun ra bokon, atan ondo' kasagaan min ilo mambaal ramuyun. Gitio noyo suang ru Ukum ri Musa am pangilaan ru nabi-nabi.”

ROMA 1:30

mangilaat ra bokon; masumbung ilo am mailo balain, masisang ri Aki Kapuuno' am lumimbau. Maguyum ilo ra ralan bagu koson mambaal ra malaat am kalo gumagaya' ra ragu ru matuo nilo;

ROMA 12:17

Pai' pambalos ra ulun ondo' lumaat ramuyun. Kinam kano pambaal ra moonsoi, ioginio ondo' iowon ra matanda' ru ngaangai' ulun.

ROMA 13:10

Osoi ayuk monogom ra ulun bokon kalo mambaal ra malaat riso, sabap ra ulun ondo' monogom no giminagaya' io no ra ngaangai' susuban ru Ukum ri Musa.

TITUS 3:2

Ragui' ilo no ra pai' pangalimut kapoam pakimansangor, kaa' masalok masamba am molomoi ra ngaangai' ulun.

JAKUBUS 4:11

Pabukat kau ngai', pai' kano pagasab ra rondo' am bokon. Osoi ayuk magasab kapoam mangukum ra pabukat nano ra Kristian, sotopot no magasab kapoam mangukum io ra Ukum ri Aki Kapuuno'. Am amon ru Ukum ti salaan no poyo, arati' no kalo boo suguton no io, kaa' Ukum salaan no boo.

3 JUANIS 1:11

Pabukat ondo' tagamin kuno! Pai' tiluo' paliso ra malaat, kaa' tiluo' ondo' matanda' no. Ulun ondo' mambaal ra matanda', io anak ri Aki Kapuuno'. Ulun ondo' mambaal ra malaat, io no kalo poyo nakaulig ri Aki Kapuuno'.

1 SAMUIL 24:11

Raino nakaili' kou galama' ra giu' ra ralalom ru luang batu ni, pinataak kou noyo ru Tuhan no raki'. Sinusub aku ru kukula' ngaulun ulun kuno koson mamatoi rirun, kaa' marara' aku. Tinaam ku ra kalo masaga' aku mapakaruol ra raja' ondo' pinili' noyo ru Tuhan.