MAZMUR 139:4 - Tanou Moonsoi Timugon

⁴ Kabalu' pana kalo poyo maragu ku, napandayan Mu noyo atan raguon kuno.

MAZMUR 139:4 Iomraidhean Croise

AYUP 38:2

“Osoi kia okou saboi baani pagantangan guang ra kapintaran Kuno ra ragu-ragu ondo' sasambungon am kolondo' onong no?

AYUP 42:3

Mangkuot Kou ra sasaban kuno ra baani pagantangan guang ra kapintaran Muno, alika kolondo' atan pana napandayan kuno. Mindagu aku intor ra baal ondo' kalo naratian kuno, intor ra baal-baal ondo' makaimuag kaga' raki' ti.

AYUP 8:2

“Kula' poyo buoi muno mindagu koon raginio? Koson ra bolos ru angin ayuk ragu-ragu muno.

MAZMUR 19:14

Palabuso' aku niayuk intor ra tula ondo' siningon; pai' polosoo' ra aku kuasaan ru ginio. Aku pana masauk boo ra ulun kolondo' ruruko, am niayuk makalabus intor ra kasalaan maagat.

JIRIMIA 29:23

Koon raginio noyo pupus nilo sabap ra nambaal ilo ra tula mangaayo giu' ra Israil: nansasawa' ilo, am namakai ra inggalan ru Tuhan koson nagabau. Binaal raginio nansala' ra kasagaan ru Tuhan. Nakapandai Io ra atan ondo' binaal nilo, am Io galama' nasauk ra sasi' ondo' manggal risilo. Tuhan nakaindagu noyo.”

JIPANYA 1:12

“Paat raginio alapon Ku lampung am uliaton bandar Jirusalim. Ukumin Ku mamagun nano ondo' najala' am mangintopot ra inan galama', am ondo' mindagu, ‘Tuhan kalo igondo' nambaal koson ragitio am raginio.’

JAKUBUS 1:26

Amon ru mokoondo' sasangulun mangkara' ra io ti noyo manginsugut toojo ri Aki Kapuuno', kaa' kalo panantulangon rila' ra io mindagu, io galama' ayuk miruruung am panginsugutan nati pana kolondo' onong.