MAZMUR 139:2 - Tanou Moonsoi Timugon

² Napandayan Mu ngaangai' binaal kuno; intor ra maalur makarati' Kou ra kinara' kuno.

MAZMUR 139:2 Iomraidhean Croise

KASAUKAN 16:13

Magikuot i Agar ra guang nano, “Motopot kia nakakito aku ri Aki Kapuuno' am kalo minatoi?” Ginio ra sabito' no Tuhan ondo' minindagu riso no ri “I Aki Kapuuno' Ondo' Magilong”.

2 RAJA'-RAJA' 19:27

Kaa' nakapandai Aku ra ngaangai' ru baal muno; ngaangai' binaal muno am ati ayuk angayan muno. Nakapandai Aku ra siminangit kou kaga' Raki'.

2 RAJA'-RAJA' 6:12

Taam sangulun intor risilo, “Kolondo' osoi pana, raja' kuno. Nabi Ilisa ondo' nambala' ra raja' ru Israil ra baal raginio, am niayuk ondo' rinagu muno giu' ra lamin pambalangan.”

MAZMUR 44:22

magu' mapandayan Mu, sabap ra Okou makapandai ra suang ru guang ru ulun.

MAZMUR 56:8

Ukumi' ilo, iou Aki Kapuuno' sabap ra kalaatan nilono, ralalom ru sangit Muno, pusoo' ilo!

MAZMUR 94:11

Mapandayan ru Tuhan atan ondo' pangkaraan ru ulun; mapandayan No ra ngaangai' no kolondo' ampos.

AMSAL 15:3

Makito ru Tuhan atan kasaukan ru titikop intok; magilong Io ritakau, nambaal kia ra moonsoi kapoam malaat.

JISAYA 37:28

Kaa' napandayan Ku ngai' nansalinut baal muno: nansalinut binaal muno ra ati ayuk inongoi muno. Makapandai Aku ra sumangit kou kaga' Raki'.

YEHEZKIEL 11:5

Ambiluo ru Tuhan nanguasa' raki' am nanusub raki' nampasaboi ra tanou ti ra ulun, “Akau ngai' ulun ru Israil, nakapandai Aku ra atan ondo' raguon min am baal ra inatang min.

YEHEZKIEL 38:17

Okou noyo ondo' sinabit Kuno ragili, paat ra Aku minindagu pinabala' galing ra nabi-nabi Kuno giu' ra Israil, ra paat tauli no manusub Aku ra sangulun koson mamulunsar ra Israil.” Tuhan Raja' minindagu noyo.

MATIUS 9:4

Napandayan ri Jisus atan guangon nilono, Io pana mindagu, “Kua ramuyun ti mangkara' ayuk ra baal ondo' malaat no?

LUKAS 9:47

Nakapandai i Jisus ra pangkaraan nilai, piawo' No boo sangulun lalaing am susubo' no minigor ra kiing Nali.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

SAGULION 31:21

Masuang karaat makalalaa' makalumpa' risilo, kaa' rimbai ragitio magulayun rimbayon am masauk ra sasi' risilo. Mulu' ra raino pana, ra Aku kalo poyo magibit risilo ra tana' ondo' binantu' Kuno, nakapandai Aku noyo ra pangkaraan nilo.”