MAZMUR 139:1 - Tanou Moonsoi Timugon

¹ Ra tingganai ru santimungan maririmbai. Mazmur ri Daut. Iou Tuhan, napandayan Mu guang kuno, am mauligan Mu aku.

MAZMUR 139:1 Iomraidhean Croise

2 SAMUIL 7:20

Atan poyo ondo' maalap ku karagu Rirun! Makapandai Kou ra ngaangai' no intor ra ulipon Muti.

1 RAJA'-RAJA' 8:39

rongogo' noyo pakiasian nilo. Rongogo' noyo ilo intor ra intok inayanan Muno giu' ra suruga', am ampuno' am indangano' noyo ilo. Okou ayuk makapandai ra suang ru guang ru ulun. Ginio ra, baalo' noyo pamakuan ra ulun nogondo' ra binaal nano,

2 RAJA'-RAJA' 19:27

Kaa' nakapandai Aku ra ngaangai' ru baal muno; ngaangai' binaal muno am ati ayuk angayan muno. Nakapandai Aku ra siminangit kou kaga' Raki'.

1 TUNUNG RU BANSA' ISRAIL 17:18

Atan poyo ondo' maragu kuno Rirun! Nakapandai Kou ra ngaangai' no intor ra ulipon Mutu, kaa' nangani' Kou ra pangurumatan raki'.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

MAZMUR 139:23

Urioo' aku no, iou Aki Kapuuno', am kangkamo' noyo guang kuno; pangkinaman no raki' am kapandayi' pangkaraan kuno.

MAZMUR 17:3

Mauligan Mu suang ru guang kutu. Bulintok ra Okou rumatong raki' paat molondom, am mangurio Kou toojo raki', kaa' kolondo' guangon malaat maimansaan Mu ra guang kutu.

MAZMUR 44:21

Amon langgain mai sumamba ri Aki Kapuuno' mai, am sumamba ra tuhan ra bokon,

JIRIMIA 12:3

Kaa' iou Tuhan, nakaulig Kou raki'; nakito Mu binaal kuno am nakapandai ra suang ru guang kuno Rirun. Ralaato' ulun malaat no mingkual koson ra domba mongoi ra intok pamatayan. Alungi' ilo saboi ra paat ilo simbaluyon.

JUANIS 21:17

Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.

PINAINTALANG 2:18

“Tulisi' koson ragitio ra malaikat ru pasimpungan ulun Kristian ra bandar Tiatira: “Gitio noyo bilin intor ra Anak ri Aki Kapuuno', ondo' mato Nano mapaang koson ra apui am kalayam Nano makabinusasal koson ra gangsa' ondo' manguliat.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.