MAZMUR 102:21 - Tanou Moonsoi Timugon

²¹ koson mangkirongog ra imamang ru ulun rinakop, am mapalabus ra ulun ondo' inukum ra potoyon.

MAZMUR 102:21 Iomraidhean Croise

MAZMUR 22:22

Kolondo' boo ikang kutu, palabuso' aku intor ra sangau ru karabau am intor ra kabang ru singa'.

MAZMUR 79:11

Rongogo' noyo pagalabaan ru ulun inaput, am ralalom ru kuasa' Muno ra maayo, palabuso' noyo ulun inukum ra potoyon.

MAZMUR 79:13

Akai pana, ulun Muno, domba-domba Muno, maringkuanang akai Rirun ra sabuoi-buoi no, am mongompor Rirun saboi mansasayat.

KAINGKUALAN 3:16

Ongoi noyo am timungo' tingganai-tingganai ru ulun ru Israil no am balai' ilo ra Aku, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub minintalang noyo rirun. Balai' ilo ra minatong Aku noyo risilo am nakakito noyo ra atan binaal ru ulun ru Misir risilo.

KAINGKUALAN 3:17

Napatas Ku noyo magibit risilo mingkual intor ra Misir, intok ilo inimbolo', am magibit risilo mongoi ra rondo' tana' ondo' langkaya' am malabung, iono pagun ru ulun ru Kanaan, Git, Amori, Piris, Giwi am Jibusi.

JISAYA 51:11

Ulun-ulun ondo' pinalabus ru Tuhan pana makauli' sumubol ilo ra Jirusalim ralalom guang maantak liliwa' marimbai. Matakau bulos nilo sabap maansukan sabuoi-buoi no, sabuoi-buoi no ilo nakalabus intor ra kapaganan am mangiluk guang.

IPISUS 3:21

Koompor noyo Io ra pasimpungan ulun Kristian ralalom inggalan ri Kristus Jisus, suku' ra ati ayuk papag ra sabuoi-buoi no. Amin!

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.