MAZMUR 102:1 - Tanou Moonsoi Timugon

¹ Pakiasian ru sangulun naimbolo' am naagui, ondo' mampalaa ra Tuhan.

MAZMUR 102:1 Iomraidhean Croise

2 TUNUNG RU BANSA' ISRAIL 30:27

Imam-imam am ulun-ulun ru Liwi nakibarakat ra Tuhan ra tayar ru mamagun. Intor ra intok inayanan Nano giu' ra suruga', nokorongog Tuhan am niayuk nangapu ra pakiasian nilo.

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

MAZMUR 143:4

Intor raginio guang kuno malawo, kolondo' lulu' kuno.

MAZMUR 143:7

Taamo' aku mataki', iou Tuhan, malawo guang kuno. Pai' pansibuni intor raki', maa' raginio kalo masauk aku koson ra ulun nakatuun noyo ra intok kapatayan.

MAZMUR 145:19

Tomposon No ngaangai' kasagaan ru ulun ondo' mangurumat Riso; rongogon No pampiawan nilono am mamayag risilo.

MAZMUR 18:6

Patayan ra makalalaa' no liminibung raki', am lobong napataan ra balatik sulungan kuno.

MAZMUR 39:12

Inukum Mu tula ru ulun ra sawai Muno, am koson ra anai, namuso Kou ra kasagaan nilo. Sotopot no kaayagan ru moonong ulun koson ayuk ra mapaabus ra paminawaan ayuk.

MAZMUR 42:4

Orou rondom aku mantangi', lomou ayuk akanon kuno; magail ayuk pantula' kuno mangkuot raki', “Ati kia i Aki Kapuuno' muli?”

MAZMUR 5:2

Iou Tuhan iningo' noyo raguon kuno, iningo' noyo pagalabaan kuno.

MAZMUR 61:2

Rongogo' noyo pampiawan kuno, iou Aki Kapuuno', rongogo' noyo pakiasian kuno!

MAZMUR 62:8

Pamayagan kuno am kaatangan kuno lumansan ri Aki Kapuuno'; Io noyo manindung raki' ondo' maikang; Io noyo intok sindungan kuno.

MAZMUR 77:3

Bulintok ra aku makakapaganan makiasi' aku ra Tuhan; masuaban aku mopotoroi ra longon liliwa' makiasi', kaa' kalo maansukan aku.

KAINGKUALAN 2:23

Bilor kabilor raiti patoi raja' ru Misir, kaa' ulun ru Israil lakat poyo maguros sabap ra inulipon am golok ilo makiindangan. Golok nilo nakasaboi ri Aki Kapuuno'.

SULABOI 3:44

Sangit Muno koson ra gaun ondo' makapal kaga', saboi kalo makalasut pakiasian.

SULABOI 3:8

Giminolok aku makiindangan, kaa' marara' i Aki Kapuuno' mangkirongog raki'.

LUKAS 22:44

Maimbolo' Io tojojo am mapirot Io poyo nakiasi', saboi rasang Nano koson ra raraa' momosok ra tana'.

IBRANI 5:7

Paat ri Jisus soroi ra tana' ti, nakiasi' Io toojo ri Aki Kapuuno' nabaya' ra bolos mapuor liliwa' nantangi'. Nakiasi' Io ri Aki Kapuuno' ondo' makapamayag Riso intor ra kapatayan, am rinongog Io ri Aki Kapuuno' sabap ra pinainggana' No guang Nano Riso.

TINGGANAI RU BANSA' 10:16

Ilo pana namatir ra ngaangai' sinungkalalaing, am samba ra Tuhan. Io pana mangiluk nakakito ra kapaganan ondo' mailian ru ulun ru Israil.

1 SAMUIL 9:16

“Susuab no tampilon ra susuab ti olo'-olo' paat koson ragitio, manusub Aku ra sangulun ungkuyon intor ra bansa' ru Binjamin muma' rirun. Umawo' ulu nano ra umau koson ra tatandu' nampili' riso masauk ra raja' ru ulun Kuno Israil. Mapalabus io ra ulun Kuno intor ra ulun ru Palistin. Nakito Ku noyo kaimbalaan ru ulun Kuno, am norongog Ku noyo tangi' nilo ra makiindangan.”