MAZMUR 101:2 - Tanou Moonsoi Timugon

² Kalo sabain ku paliso kuno makaruruko. Sanggilan poyo ratangan Muno raki'? Giu' ra baloi kuno kaayagan kuno matulai;

MAZMUR 101:2 Iomraidhean Croise

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

2 SAMUIL 8:15

Namarinta Raja' Daut giu' ra titikop ru Israil am nanutun maa' raginio mamagun nano masalok moonsoi am matimpok pamakuan no.

1 RAJA'-RAJA' 11:4

saboi ra ilo nakasugut nanusuk riso sumamba ra tuhan-tuhan ra bokon paat ra Raja' Salomo matutuo noyo. Raja' Daut, ama' ru Raja' Salomo gumagaya' ra Tuhan, i Aki Kapuuno' nano, kaa' Raja' Salomo kalo nogondo' koson ra ama' nali.

1 RAJA'-RAJA' 9:4

Amon ru mangandoi kou ayuk Raki' ra topot-topot ru guang koson ra ama' muli i Daut, am amon ru gumagaya' kou ra ukum-ukum Kuno am niayuk mambaal ra ngaangai' ondo' nanusuban Kuno rirun,

2 TUNUNG RU BANSA' ISRAIL 15:17

Kabalu' pana Raja' Asa kalo nampalunsai ra ngaangai' intok sambaan ra sinungkalalaing giu' ra pagun no, kaa' nagulayun io giminagaya' ayuk ra Tuhan buoi ru bayag nano.

2 TUNUNG RU BANSA' ISRAIL 30:12

Giu' ra Jiuda, i Aki Kapuuno' pana miningkuor am noporondo' ra guang ru mamagun maa' raginio totopot gumagaya' ra kasagaan Nano, saboi ilo masaga' gumagaya' ra susuban ru raja' am pagawai-pagawai nano.

MAZMUR 101:6

Apuon ku ulun ondo' gumagaya' ri Aki Kapuuno'; paayanon ku ilo ra baloi kuno; ulun totopot mabanis guang iowon ku mangandoi raki'.

MAZMUR 119:106

Intopoton ku bantu' ondo' nagibatan kuli, koson mampaguut ra inatang Muno ondo' matimpok.

MAZMUR 119:115

Akau ulun malaat, inggalur kau raki'. Gumagaya' aku ra panusuban ri Aki Kapuuno' kuno.

MAZMUR 26:11

Kaa' maayag aku ra mabanis guang; pakaasi' no am bayago' aku no.

MAZMUR 40:17

Gama' ru ngaangai' ulun ondo' rumatong Rirun maansukan am maantak guang! Gama' ru maringkuanang ilo ra pamayagan Muno masalok mindagu, “Matulai kaga' Tuhan no!”

KAINGKUALAN 20:24

Baali' Aku ra altar intor ra tana'; papatampakan min ra taak domba am sapi' min koson ra taak simbalui koson mapabansuk ra guang ru Tuhan, am taak simbalui koson makibarakat ra Tuhan. Giu' ra moonong intok ondo' aruon Kuno ramuyun koson sumambayang Raki', matong Aku am mambarakat ramuyun.

JISAYA 38:3

“Karaa' noyo, iou Tuhan, aku ti mangandoi ayuk Rirun, gumagaya' am sumugut, am masalok aku mompogogot koson mambaal ra kasagaan Muno.” Raja' pana nantangi' am mangiluk guang.

SAGULION 6:7

Pailaa' noyo ukum raginio ra anak-anak mino. Raguo' noyo ukum raginio paat akau giu' ra baloi kapoam mugar, paat akau tumangus kapoam mangandoi.

JOSUA 24:15

Amon ru kalo masaga' kau mangandoi ayuk Riso, aruo' noyo raino ri osoi akau mangandoi ayuk, ra tuhan-tuhan ra bokon ondo' sinamba ru kinamatuaan min giu' ra Misopotamia, kapoam ra tuhan-tuhan ru ulun ru Amori giu' ra pagun ondo' inayanan min raino. Kaa' ra aku am sasambaloi kuno, masaga' akai mangandoi ayuk ra Tuhan.”

1 SAMUIL 22:14

Taam i Agimilik, “Kaa' sala' ka i Daut no alia pagawai muno ondo' gumagaya' kaga'? Io anak mangiwan muno galama', tingganai magagalung rirun ayuk am urumaton kaga' ru ngaangai' ulun giu' ra istana.