MAZMUR 1:3 - Tanou Moonsoi Timugon

³ Makaampos ilo ra atan ayuk kondoyon; ilo koson ra tatanom ondo' tinanom ra kiing ru sungoi ondo' mangkawa' maya' ra bulintok nano, am raun nano kalo lumonot.

MAZMUR 1:3 Iomraidhean Croise

KASAUKAN 39:23

Kalo pana boo kondoyon ru tingganai magagalung no atan ondo' pinakandayan no ri Jusup, sabap ra magalung Tuhan no ri Jusup saboi iawo io ra atan ayuk kondoyon nano.

KASAUKAN 39:3

Natutunan ru tuan nano ra nangindangan Tuhan no ri Jusup, am ginio boo ra iawo io ra ngaangai' kondoyon nano.

2 RAJA'-RAJA' 18:7

Ginio ra Tuhan mabaya' riso, am nakasugut io ra ralalom ru ngaangai' kandoi nano. Giminuor io ra raja' ru Asyur am marara' makiala riso.

1 TUNUNG RU BANSA' ISRAIL 22:11

Kon poyo ru Raja' Daut, “Ginio ra, okou anak kuno, gama' ru Tuhan, i Aki Kapuuno' muno masalok mabaya' rirun. Gama' ru makasugut kou mambaal ra baloi ru Tuhan koson ondo' binantu' Nano.

1 TUNUNG RU BANSA' ISRAIL 22:13

Amon ru gumagaya' kou ra ngaangai' ru ukum ondo' tinaakan ru Tuhan ra Israil ondo' pinabala' galing ri Musa, makasugut kou. Musiti' kou mangintopot am baani. Pai' kalaa' manguma' ra atan ayuk pana.

2 TUNUNG RU BANSA' ISRAIL 31:21

Nakasugut Raja' Gijkia sabap ra ngaangai' ondo' binaal nano koson ra Baloi ru Tuhan kapoam koson gumagaya' ra Ukum ri Musa, pinaugar no ra sototopot ru guang am ra togom ri Aki Kapuuno' nano.

2 TUNUNG RU BANSA' ISRAIL 32:23

Masuang ulun minatong ra Jirusalim am nagibit ra taak ra Tuhan am tangguang ra Raja' Gijkia. Intor raginio bansa'-bansa' ra bokon mangurumat ra Raja' Gijkia.

AYUP 14:9

kaa' paat mokoowot ra timug, puun tataun no tumuu' poyo; koson ra puun tataun mamulok, talantar-talantar no mujak saguli'.

AYUP 22:28

Pirot muno masalok masugut, am sinda mampatawang ra bayag muno.

MAZMUR 128:2

Ampos ru bagui muno manumbali ra gogoton muno; maansukan kou am lumangkaya'.

MAZMUR 129:8

Ulun ondo' mansail kalo mindagu, “Gama' ru barakaton kau ru Tuhan! Mambarakat akai ramuyun ralalom inggalan ru Tuhan.”

MAZMUR 92:14

Ilo koson ayuk ra puun ondo' tinanom ra Baloi ru Tuhan, koson ra tutuu' malabung giu' ra Baloi ri Aki Kapuuno' takau,

MAZMUR 92:15

maaruan ra io no manangkawa' bulintok matutuo, am mantilayun ayuk raun no masansam am maikang.

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JISAYA 3:10

Mindagu Tuhan, “Ulun gumagaya' Raki' makakaansukan am maayag. Ilo galama' makasia' ra ampos ru kinandoi nilono.

JISAYA 44:4

Malabung kinatuu' nilono koson ra sakot giu' ra intok makatimug, koson ra puun ru gandarusa giu' ra tobo ru sungoi ondo' makaaug.

JISAYA 58:11

Masalok Aku maningganai ramuyun am mamasug ramuyun giu' ra tana' mapua'; Aku magalung ramuyun maa' raginio maligag kau am maikang. Akau koson ra taman ondo' maulian ra timug no, koson ra taur ru timug ondo' kalo igondo' mapua'.

JIRIMIA 17:8

Koson io ra puun tataun ondo' tumuu' giu' ra kiing ru sungoi ondo' kalo tumilis; bakat no gumawar saboi ra timug. Bulintok malasu' kalo malaa' io, sabap ra raun-raun nano masalok masansam; kabalu' pana malumpa' pagun ra tampio, kolondo' pagalabaan nano, sabap ra masalok io mangkawa'.

YEHEZKIEL 17:8

Alika puun ru anggur no tinanom noyo giu' ra intok ondo' malabung am makatimug, saboi raun am kawa' nano maawas, am masauk ra puun ru anggur ondo' moonsoi kaga'.

YEHEZKIEL 19:10

Ina' min koson ra puun ru anggur ondo' tinanom giu' ra kiing ru sungoi boborok. Sabap ra masuang timug ra giu' no, puun no nangkawa' am makaraun ra maawas.

YEHEZKIEL 31:5

Sabap ra naukop timug nano intor ra puun tataun ra bokon. Raan nano giminayo am maawar.

YEHEZKIEL 47:12

Giu' ra karuruo tobo ru sungoi no tumuu' mansalinut puun kinawa'. Raun ru puun-puun tataun no kalo lumonot, am puun-puun tataun no kalo lumonggo' mangkawa'. Moonong sila' puun-puun tataun no mangkawa' ra ondo' bagu, sabap ra puun-puun tataun no tinimugan ru timug ondo' tumilis intor ra Baloi ru Tuhan. Kawa'-kawa' no masauk ra akanon am raun-raun no alapon ra tatapis.”

UNTABAN 24:6

koson ra barisan maawar ru puun kurma, kapoam koson ra taman giu' ra kiing ru sungoi; koson ra puun gaharu ondo' tinanom ru Tuhan, kapoam koson ra puun sidar giu' ra kiing ru timug.

MATIUS 13:6

Paat ra mato ru orou no malasu', tutuu' ru sampug no liminonot sabap ra bakat nano kalo makasuku' ra ralalom am mapua' ra mataki'.

MATIUS 21:19

Kiing ru ralan binayaan nilo mokoondo' sampuun ara timinuu'. Ongoi Io ra puun ru ara i, kaa' rondo' kawa' pana kolondo' nakito nano, raun ru ara ayuk soroi. Pagibot i Jisus ra puun ru ara ni, “Kalo boo mangkawa' kou ra sabuoi-buoi no!” Lonot pamulali' puun ara ni.

MATIUS 21:34

Kasuku' orou ra mangkumos, tatangan ra umo i nanusub ra kukula' ngaulun ulipon nano mongoi ra ulun-ulun naniwa' i, koson mongoi pangapu ra tayar nali intor ra ulun-ulun naniwa' i.

MATIUS 21:41

Taam ilo, “Maaru' potoyon no ngaangai' ulun malaat i, am pasiwain no boo umo ru anggur nano ra ulun bokon ondo' masaga' mantayar ra nakumos i paat masuku' orou pantayaran.”

JUANIS 15:6

Osoi ayuk kalo rumondon Raki', patirin koson ra pango am mapua' io boo. Pango koson raginio luluron am suruin ayuk.

SAGULION 28:8

“Mambarakat Tuhan i Aki Kapuuno' min ra pirot min am mamanu' ra gudang min ra gandum. Mambarakat Io ramuyun giu' ra tana' ondo' taakin Nano ramuyun.

JUDAS 1:12

Paat ra pagakanan min ra Kristian, moroot ilo am mampakaatang ra kasagaan galama' ayuk. Ilo ti koson ra gaun ondo' siabin ayuk ru bagiu', kaa' kalo niayuk mamparasam. Mogondo' ilo niayuk ra puun tataun ondo' kalo mangkawa' paat ra pangkawaan nano. Koson ilo ra puun tataun ondo' binubul noyo ra bakat nano pana – minatoi boo toojo.