56 Ugar ilo boo ongoi ra pamagunan ra bokon.
“Ilalai'! Pai' kau pagasab ra ulun ondo' mangintopot Raki' koson ra lalaing. Balain takamin: Malaikat ondo' magalung risilo ti masalok maining ru Ama' Kuno giu' ra suruga'. [
Sabap ra Anak ru Ulun minatong mamayag ra ulun timinanggau.]
Koson niayuk ra Anak ru Ulun minatong sala' ka makiindangan, kaa' mangindangan, am mampataak ra painawo Nano am mamayag ra masuang ulun.”
Kaa' raino ti balain takamin: Pai' noyo balasi' ulun ondo' makasala rirun. Amon ru lapison ru sangulun pingas muno ra pamiris no polosoo' io niayuk mampalapis ra pingas muno ra kait no.
Anak ru Ulun no minatong maguyum am mamayag ra ulun nakalayau.”
Indagu i Jisus, “Sama' noyo!” Bagu kamaa' No talingo ru ulun i am napali' io no.
Indagu i Jisus, “Ama', ampuno' ilo no, sabap ra kalo makatutun ilo ra atan baalon nilo ti.” Pagugundi' ilo poyo koson mantayar ra bayang ri Jisus.
Talikur i Jisus am pansawai risilo.
Liliwa' i Jisus am maamaya' Nano nanunggul ra pangkiralanan nilai, mokoondo' sangulun mindagu ri Jisus, “Maya' aku Rirun ra ati ayuk pana!”
Mantatakou matong mongoi pantakou, mamatoi am mampalunsai. Kaa' aku minatong koson ilo ondo' mangkirongog Raki' mokoowot ra kaayagan, io no kaayagan ondo' malabaan.
Osoi ayuk mangkirongog ra ragu Kutu kaa' kalo gumagaya', kalo ukumin Ku io. Aku minatong sala' ka mangakim ra ulun ru tana' ti, kaa' mamayag risilo.
Sabap ra i Aki Kapuuno' nanusub ra Anak Nano mongoi ra tana' ti sala' ka mongoi pangakim ra ulun, kaa' mongoi pamayag risilo.
Pai' polosoo' kalaatan ru ulun no mangkinibit ramuyun mambalos saguli', kaa' balasi' min kalaatan no ra moonsoi.
Motopot ragu ragitio koson maapu am maintopot toojo ra, “I Jisus Kristus minatong ra tana' ti minongoi pamayag ra ulun makatula.” Am aku ti noyo maayo kaga' tula intor ra ngaangai' ulun.
