LUKAS 9:41 - Tanou Moonsoi Timugon

⁴¹ Taam i Jisus, “Akau ti toojo kalo mangintopot am nakalayau! Kalo boo tumaan Aku sumimpung ramuyun!” Indagu boo i Jisus ra ama' ru lalaing no, “Ibito' lalaing muno ragiti!”

LUKAS 9:41 Iomraidhean Croise

2 RAJA'-RAJA' 5:8

Pokorongog Nabi Ilisa ra atan ondo' nasauk no, pangator io ra tanou ra raja'. Kono, “Kua kia pagalabo kou raja'? Susubo' ulun no matong raki'. Tuluin ku io ra mokoondo' sangulun nabi ra Israil!”

MAZMUR 78:8

Kalo masauk ilo koson ra kinamatuaan nilai, ulun ondo' masalok malasu' guang am kalo gumagaya'; pangintapatan nilono kalo mapiot, am kalo gumagaya' ilo ri Aki Kapuuno'.

KAINGKUALAN 10:3

Ginio ra ongoi boo tuum i Musa am i Arun ra raja' am indagu riso, “Tuhan i Aki Kapuuno' ru ulun ru Ibrani mindagu, ‘Kula' poyo buoi mu kalo masaga' kumuku' Raki'? Paugaro' noyo ulun Kuno maa' raginio makasambayang ilo Raki'.

KAINGKUALAN 16:28

Indagu boo Tuhan ri Musa, “Kula' poyo buoi min kalo gumagaya' ra susuban Kuno?

JIRIMIA 4:14

Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

UNTABAN 14:11

Indagu Tuhan ri Musa, “Kula' poyo buoi ru ulun ti manggal Raki'? Saboi sanggilan ilo kalo masaga' mangintopot Raki', kabalu' pana nambaal Aku noyo masuang kaga' kaimuagan risilo?

UNTABAN 14:27

“Saboi sanggilan kia ulun mangalaat ti mambutok Raki'? Norongog Ku noyo ngaangai' butok nilo!

MATIUS 11:28

“Ratong kano Raki' akau ngaangai' ondo' naagui sabap ra naagatan; patanguson takamin.

MATIUS 12:39

Kaa' taam i Jisus, “Mumpara' boo laat am puka' ru ulun ra orou raiti'! Makitaak kau Raki' mambaal ra kaimuagan? Kolondo' kaimuagan patutunon Kuno ramuyun, kaa' rondo' ayuk, ioginio kaimuagan ri nabi Junus.

MATIUS 12:45

Riwato no pana ingkual boo am pampiau poyo ra tulu' riwato ondo' malaat kaga' intor riso, am ayan ilo boo ra inan ru ulun no. Am pupus no baal ru ulun no mulu' poyo malaat intor ra talimpuun i. Gitio noyo kasaukan ru ulun malaat orou raiti'.”

MATIUS 16:4

Mumpara' boo laat am puka' ru ulun ra raiti'! Makitaak kau Raki' mambaal ra kaimuagan? Kalo! Rondo' ayuk kaimuagan paintutunon Kuno ramuyun ioginio kaimuagan ri nabi Junus.” Kopongo minindagu koson raginio, iruani' ilo ri Jisus am ugar Io.

MATIUS 17:17

Taam i Jisus, “Mumpara' boo kalo mangintopot am liminayau kau! Kula' poyo buoi no Aku sumimpung mayan ramuyun? Kula' poyo buoi no Aku tumaan ramuyun? Ibito' ragiti lalaing no!”

MATIUS 23:36

Balain takamin: Ukum ru ngaangai' raginio paratuon ra ulun ra raino ti!”

MATIUS 3:7

Pakakito i Juanis ra masuang ulun ru Parisi am Saduki matong pakiriu' riso, ragui' no ilo, “Akau ti koson ra kukuo ondo' magiru' intor ra apui ru Ukum ri Aki Kapuuno' ondo' matong ra maagu no?

MARKUS 10:14

Pakakito i Jisus, sangit Io am indagu ra maamaya' Nano, “Polosoo' noyo lalaing-lalaing no matong Raki'! Pai' min ingai' ilo, sabap ra ulun koson ra lalaing-lalaing ti noyo masauk ra ulun ri Aki Kapuuno'.

MARKUS 10:49

Uog i Jisus am indagu, “Piawo' io nga!” Piawo' nilo nobolou no konilo, “Pai' pagalabo, luat no mampiau Io rirun.”

MARKUS 9:19

Indagu boo i Jisus risilo, “Topot-topot noyo akau ti kolondo' pangintapatan! Nabuoi Aku noyo minayan ramuyun am kalo poyo mangintopot kau. Ati kulaan Aku tumaan ramuyun? Ibito' lalaing no ragiti!”

LUKAS 8:25

Indagu boo i Jisus ra maamaya' Nano, “Kua pai' kau pangintopot Raki'?” Nangimuag am nalaa' ilo, am pasakuot ilo ra rondo' am bokon, “Osoi kia sotopot no ulun ragitio saboi gumagaya' bagiu' am kinulun no ra susuban Nano!”

LUKAS 9:40

Nakiindangan aku noyo ra maamaya' Muno mampagiru' ra riwato no kaa' kalo naalap nilo.”

LUKAS 9:42

Pakainggaar lalaing no ri Jisus, pinagiampas io ru riwato no am inan nano pana kumakang. Kaa' susubo' ri Jisus riwato no magiru' am babaso' no lalaing i. Pasagulio' boo lalaing i ra ama' nali.

JUANIS 14:9

Kaa' taam i Jisus, “Pilipus, nabuoi takano nababaya', kaa' lakat ayuk poyo kalo makaulig kou Raki'? Osoi ayuk nakakito Raki', nakakito io niayuk ri Ama'. Kaa' kua indagu kou po ra, ‘Pakitono' i Ama' no ramon?’

JUANIS 20:27

Indagu Io boo ri Tomas, “Ilai' noyo kalindu' Kutu am kamaa'! Pakamaa' poyo kalindu' muno ra tiagang Kutu. Sala' ka pagantangan, kaa' pangintopot ayuk!”

RINALATAN 13:18

Buoi ru apat ngoopor ngambilor nokoorot Io risilo giu' ra tana' kaagisan.

RINALATAN 2:40

Ginio noyo ragu ri Pitrus nambala' toojo risilo. Masuang poyo ragu nano ra bokon manusub risilo koson magibayag intor ra pangukuman ri Aki Kapuuno' ondo' paratuon ra ulun mangalaat ra pagun ti.

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

SAGULION 32:5

Kaa' kalo gumagaya' kau, am kalo maaya' kau masauk ra ulun Nano; akau bansa' ondo' masaga' mamparuung am makatula.

IBRANI 3:19

Intor raginio maratian takau ra ilo ti kalo noyo nakasubol ra pagun, sabap ra kalo nangintopot ilo ri Aki Kapuuno'.

IBRANI 4:11

Sabap raginio, piroto' noyo saboi makatangus takau mabaya' Riso. Pai' saboi sangulun pana intor ritakau kalo makatangus mabaya' Riso koson risilo ra galing i, sabap ra kalo nangintopot ri Aki Kapuuno'.

IBRANI 4:2

Sabap ra Tanou Moonsoi no pinabala' noyo ritakau mogondo' ra ulun ra galing i. Kaa' koson risilo, tanou no kolondo' onong, sabap ra paat ra ilo nakaining kalo inapu nilo mabaya' ra pangintapatan.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.