LUKAS 9:29 - Tanou Moonsoi Timugon

²⁹ Liliwa' Io makiasi' ra giu' i, minalui bulos Nali am binayang Nali pana nasauk ra mapulak manguliat.

LUKAS 9:29 Iomraidhean Croise

JISAYA 33:17

Igondo' poyo akau makatalinono' ra sangulun raja' mamarinta ra maantak. Pagun nano mapulolou ra ngaangai' linsuk.

JISAYA 53:2

Kasaga' ru Tuhan ulipon Nano gumayo koson ra samul ondo' tumuu' giu' ra tana' mapua'. Kolondo' makaantak paat ra ilain; kolondo' makabunduk koson ra kasagain.

MATIUS 17:2

Paat ra ilo magilong ri Jisus, minalui baal Nano; bulos Nano makabinusasal koson ra mato ru orou am bayang Nali mapulak kaga', kukuliat ayuk.

MARKUS 16:12

Kopongo ragili, minintalang i Jisus ra ruo ngaulun maamaya' Nali am minalui Io. Gitio nasauk paat ra ilo nangkiralan mongoi ra rondo' pamagunan.

LUKAS 3:21

Kakai' ngaangai' ulun riniu', i Jisus pana riniu'. Paat ra Io nakiasi', naukab limbowon

LUKAS 5:16

Kaa' masalok i Jisus mongoi ra intok masiluk ra masaga' Io poyo makiasi'.

LUKAS 6:12

Paat ragili i Jisus nagaloi ra rondo' bulur koson makiasi'. Nasuaban Io nakiasi' ri Aki Kapuuno' ra giu' i.

LUKAS 9:18

Igondo' ragili, tatanga' i Jisus misasangulun makiasi', ratong maamaya' Nano Riso. Pangkuot i Jisus risilo, “Maya' ra ragu ru ulun, osoi kia Aku ti?”

LUKAS 9:30

Pulusat ru ruo ngaulun nabi, io no i Musa am i Ilia, nagigindagu ri Jisus.

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

RINALATAN 6:15

Ponontong boo ngaangai' ulun ondo' minongoi ra Majlis Ugama i ri Stipanus. Am kakito nilo ra bulos nali koson ra malaikat.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.