LUKAS 9:25 - Tanou Moonsoi Timugon

²⁵ Atan onong ru sasangulun no amon ru makaalap io ngaangai' rapu' ru tana' ti, kaa' maluusan am mapusaan io ra kaayagan nano? Maaru' kolondo' onong.

LUKAS 9:25 Iomraidhean Croise

MATIUS 13:48

Paat ra masuang sulung ru ralo no, aaso' ru ulun-ulun mangimpait ralo i ra lantur no. Panturung ilo am pantuliaro' nilo papait-papait no: papait moonsoi no pinauli ra rondo' pambulian, am papait ondo' malaat no pinatiran nilo.

MATIUS 13:50

Ilo pana mamatir boo ra ulun malaat no ra ralalom ru apui. Giu' no mantangi' ilo am manguritot ripon nilono.”

MATIUS 16:26

Atan onong ru ulun makaalap ra ngaangai' ru tana' ti amon ru matatakan io ra painawo nano? Maaru' kolondo'! Sabap atan kia pangangalig ra painawo nano?

MARKUS 8:36

Atan onong ru ulun makaalap ra ngaangai' kuliamos ru tana' ti, kaa' matatakan io ra kaayagan nano?

RINALATAN 1:18

Nambali i Judas ra sampila' tana' ra ruit ondo' naapu no intor ra kalaatan nali. Karatu' am patoi io ra giu' i, suku' tinai' nali naburiak am ngaangai' suang no nakaingkual.

1 KORINTUS 9:27

Intor raginio, pantataanin ku kaayagan kutu suku' manguasa' aku ra ngaangai' kinibit no. Binaal ku ginio sabap ra malaa' aku ra kabalu' pana aku mangkimait ra bokon maya' ra pagigilayan ti, kaa' pupus aku piboo impayin.

IBRANI 10:34

Nakaasi' kau risilo ondo' inaput ra lamin pangaputan, am paat ra rapu' mini kinai' gaawo' ru ulun, inapu min ginio mabaya' ra kaansukan niayuk, sabap ra napandayan min ra mokoondo' kau ra rapu' moonsoi poyo ondo' soroi ra sabuoi-buoi no.