LUKAS 9:2 - Tanou Moonsoi Timugon

² Susubo' No boo ilo mongoi pamabas ra ulun marualan am pampabala' ra ati kulaan i Aki Kapuuno' mamarinta.

LUKAS 9:2 Iomraidhean Croise

MATIUS 10:5

Susubo' ri Jisus mopor am ruo ngaulun rasul no am pambilin Io risilo koson ragitio: “Pai' kano ongoi ra libung ru ulun sala' ka Jaudi kapoam pekan ru ulun ru Samaria.

MATIUS 13:19

Ulun ondo' mangkirongog ra tanou ati kulaan i Aki Kapuuno' mamarinta, kaa' kalo makarati', ulun koson ragitio noyo koson ra sampug ondo' naratu' ra ralan. Tingganai ru riwato no riminatong am nampagaau ra atan ondo' nakatias ra ralalom ru guang nilono.

MATIUS 24:14

Tanou Moonsoi ra i Aki Kapuuno' mamarinta posoboyon ra ngaangai' ulun ru tana' ti koson ra sasi' mampaintutun risilo. Mopongo ginio bagu no matong pamupusan ru tana' ti.”

MATIUS 3:2

“Talikur kano intor ra tula mino sabap ra mamaar noyo i Aki Kapuuno' mamarinta!”

MARKUS 16:15

Indagu Io risilo, “Ugar kano ra titikop ru tana' ti, balai' min moonong ulun ra Tanou Moonsoi.

MARKUS 6:12

Mopor am ruo ngaulun maamaya' no pana minugar boo am mampabala' ra ulun musiti' tumalikur intor ra tula nilai.

LUKAS 10:1

Pampili' boo i Jisus ra tulu' ngoopor am ruo ngaulun poyo maamaya'. Susubo' No ilo tumaruo sumigulu intor Riso mongoi ra moonong bandar am intok apitan Nano.

LUKAS 10:11

‘Kaau pana ru bandar min ti ondo' siminokot ra kasut mai ti, kabulin mai ra saang min. Kaa' karaa' min, mamaar noyo i Aki Kapuuno' tumalimpuun mamarinta ramuyun.’

LUKAS 10:9

Babaso' min ulun marualan ra giu' no am pambala' risilo, ‘Mamaar noyo i Aki Kapuuno' tumalimpuun mamarinta ramuyun.’

LUKAS 16:16

Sotopot no Ukum ri Musa am kitab ru nabi-nabi pinataak polos ra paat ri Juanis Mampariu' ayuk. Intor ragili, Tanou Moonsoi intor ati kulaan i Aki Kapuuno' mamarinta pinabala' noyo, am ulun gumogot masauk ra ulun ri Aki Kapuuno'.

LUKAS 9:11

Pakatutun ulun masuang no ra giu' Io, sunu' ilo ri Jisus. Apuo' No ilo am pantunung Io ati kulaan i Aki Kapuuno' mamarinta am namabas Io niayuk ra ulun marualan.