LUKAS 9:19 - Tanou Moonsoi Timugon

¹⁹ Taam ilo, “Mokoondo' mindagu ra i Juanis Mampariu' kou lair. Mokoondo' mindagu ra nabi Ilia kou. Bokon no poyo mindagu ra okou ti lair sangulun intor ra nabi ru galing i ondo' naayag saguli'.”

LUKAS 9:19 Iomraidhean Croise

MALIAKI 4:5

Kaa' kalo poyo orou ondo' maayo am makalalaa' ondo' inaru' Kuno ra matong, susubon Ku Nabi Ilia mongoi ramuyun.

MATIUS 14:2

Indagu raja' Irodis ra tingganai-tingganai nano, “Maaru' gitio i Juanis Mampariu' i! Naayag io saguli'! Ginio ra Io mokoondo' ra kuasa' mambaal ra kaimuagan.”

MATIUS 3:1

Paat ragili i Juanis Mampariu' timinalimpuun mampatanou giu' ra tana' kaagisan ra Judia, kono,

MARKUS 6:14

Norongog noyo ru raja' Irodis ngaangai' ondo' nasauk, sabap ra inggalan ri Jisus nauligan ru ngaangai' ulun. Mokoondo' mindagu; “I Juanis Mampariu' naayag saguli'! Ginio sabap ra Io mokoondo' ra kuasa' mambaal ra kaimuagan.”

MARKUS 6:15

Ondo' bokon mindagu, “Io no nabi Ilia!” Ondo' bokon mindagu, “Io no sangulun nabi nogondo' ra nabi-nabi ra galing i.”

LUKAS 9:18

Igondo' ragili, tatanga' i Jisus misasangulun makiasi', ratong maamaya' Nano Riso. Pangkuot i Jisus risilo, “Maya' ra ragu ru ulun, osoi kia Aku ti?”

LUKAS 9:20

Pangkuot i Jisus, “Kaa' maya' ra pamaguangan min, osoi kia Aku ti?” Taam i Pitrus, “Okou noyo i Kristus, Mamamayag ondo' sinusub ri Aki Kapuuno'.”

JUANIS 1:21

Ginio ra pangkuot ilo, “Koson poyo ragino, osoi kou guat? Nabi Ilia kia?” Taam i Juanis, “Sala'.” Pangkuot ilo poyo, “Nabi binantu' i kia?” Taam io, “Sala'.”

JUANIS 1:25

Ginio ra pangkuot ilo ri Juanis, “Amon ru sala' ka okou Mamamayag ondo' sinusub ri Aki Kapuuno', kapoam i Ilia, kapoam Nabi binantu' i, kua pampariu' kou ra ulun?”

JUANIS 7:40

Mokoondo' kukula' ngaulun ondo' nokorongog ra ragu ni, minindagu ra, “Totopot Io ti noyo Nabi inaanin takau.”

JUANIS 9:17

Pangkuot poyo ulun-ulun ru Parisi ra ulun i, “Kamu, binabas No mato muni. Koson poyo raginio, guang mu, osoi Io?” “Io ti sangulun nabi,” kon boo ru ulun i.