LUKAS 9:11 - Tanou Moonsoi Timugon

¹¹ Pakatutun ulun masuang no ra giu' Io, sunu' ilo ri Jisus. Apuo' No ilo am pantunung Io ati kulaan i Aki Kapuuno' mamarinta am namabas Io niayuk ra ulun marualan.

LUKAS 9:11 Iomraidhean Croise

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

MATIUS 12:15

Paat ri Jisus nakatutun ra panguyatan mamatoi Riso, ugar Io intor ra intok raginio; am masuang ulun ondo' minaya' Riso. Namabas Io ra ngaangai' ulun ondo' marualan,

MATIUS 14:14

Paat i Jisus masak intor ra parau no am ilai' no masuang ulun, makaasi' Io risilo am babaso' no ulun-ulun ondo' marualan.

MATIUS 21:31

Ilai', intor ra karuo anak ti, ati kia nangimaya' ra panusuban ru ama' ni?” “Katuaan ni,” taam ru tingganai imam Jaudi am tingganai ru ulun ru Jaudi no. Indagu i Jisus risilo, “Pangintopot no! Mampalulur ra cukai am ruandu' mantalan ra inan makasigulu masauk ra ulun ri Aki Kapuuno' intor ramuyun.

MATIUS 21:43

“Karaa' min,” ragu ri Jisus, “Barakat ru Pamarintaan ri Aki Kapuuno' alapon intor ramuyun am pataakin ra bansa' ondo' gumagaya' ra panusuban ri Aki Kapuuno'.” [

LUKAS 1:53

Basugon No ulun nangaitilan ra ngaangai' ondo' moonsoi, kaa' paugaron No ulun langkaya' ra kolondo' taakin risilo.

LUKAS 5:31

Taam i Jisus, “Pai' ru ulun maligag makibabas kaa' ulun marualan ayuk.

LUKAS 8:1

Kalo nabuoi ragili, mugar-ugar i Jisus ra masuang bandar am pamagunan. Nampabala' Io ra Tanou Moonsoi ra i Aki Kapuuno' tumalimpuun noyo mamarinta. Mopor am ruo ngaulun maamaya' Nali minaya' niayuk Riso.

LUKAS 8:10

Taam i Jisus, “Binalaan kano ondo' kalo igondo' pinabala' ra ati kulaan i Aki Kapuuno' mamarinta. Kaa' ulun ra bokon ilaan ayuk ra pagabigan; ra kabalu' pana monontong ilo kaa' kalo makakito, mangkirongog ilo noyo kaa' kalo makarati'.”

LUKAS 9:10

Saguli' rasul-rasul am pantunung ilo ri Jisus ra ngaangai' binaal nilai. Ibito' ilo ri Jisus ra rondo' intok masiluk mamaar ra pekan Bitsaida.

LUKAS 9:12

Ra iopalunggai', ratong mopor am ruo ngaulun maamaya' Nali am indagu, “Intok ragitio masiluk. Moonsoi susubon Mu ngaangai' ulun no muli' koson makauyum ilo ra akanon am pambalangan ra ati ayuk pamagunan ondo' nakainggaar no.”

LUKAS 9:2

Susubo' No boo ilo mongoi pamabas ra ulun marualan am pampabala' ra ati kulaan i Aki Kapuuno' mamarinta.

JUANIS 4:34

Indagu i Jisus, “Akanon Kuno gumagaya' ra kasagaan ru Io ondo' nanusub Raki' am momongo ra kandoi ondo' pinataak Nano Raki'.

JUANIS 6:37

Moonong ulun ondo' taakin ri Ama' Raki', makaratong Raki'. Kalo inggalarin Ku osoi ayuk pana ondo' matong Raki'.

RINALATAN 28:31

Nangila' io risilo ra tanou intor ri Jisus Kristus am Pamarintaan ri Aki Kapuuno'. Kalo nalaa' io am kolondo' niayuk nongompong riso.

ROMA 10:14

Kaa' mailo ilo makiindangan ra Tuhan amon ru kalo poyo nangintopot ilo Riso. Mailo ilo mangintopot Riso amon ru kalo poyo nokorongog ilo ra tanou intor Riso. Mailo ilo mangkirongog ra tanou no amon ru kolondo' mampabala' risilo.

ROMA 10:17

Ginio ra mansail ra pangkirangagan nilo ra tanou no mangintopot ilo, am morongog nilo tanou no sabap ra mokoondo' mambala' risilo ra tanou intor ri Kristus.

ROMA 15:3

Sabap ra sala' ka nangkara' i Kristus ra kaatangan Nano galama', kaa' koson tinulisan ra Buuk Kitab, “Ngaangai' pagasaban ru ulun no Rirun, O Aki Kapuuno', nakatiu' niayuk raki'.”

2 TIMOTIUS 4:2

kasalok no makatampos mampabala' ra Tanou Moonsoi ra apuon kia ru ulun kapoam kalo. Painonoo' noyo ulun no, sawayo' amon ru makasala am paikango' ilo po. Ilaa' ilo toojo mabaya' ra kaaratan ru guang muno.

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.