LUKAS 9:1 - Tanou Moonsoi Timugon

¹ Piawo' ri Jisus mopor am ruo ngaulun maamaya' Nano. Anii' No ilo ra kapandayan am kuasa' mampagiru' ra riwato am mamabas ra ulun marualan.

LUKAS 9:1 Iomraidhean Croise

MATIUS 16:19

Aniin Tokou ra kunsi' ru Tana' Bagu ri Aki Kapuuno'. Atan ondo' sawayon muno giti ra tana' ti, sawayon niayuk giu' ra suruga'. Atan ondo' iowon muno ra tana' ti, iowon niayuk ra suruga'.”

MATIUS 4:24

Tanou ri Jisus nakatabual noyo giu' ra titikop pagun ru Siria, saboi masuang ulun nagibit ra ulun marualan am poyo ulun mokoondo' ra nansalinut kapaganan tumuum Riso: ulun sinubol ru riwato, am ondo' mamumukat, am poyo ulun kalo makalulu'. Ilo ngaangai' ti binabas ri Jisus.

MATIUS 8:9

Sabap ra aku pana galama' gumagaya' poyo ra susuban ru masawat intor raki'. Mokoondo' aku ra saujor susubon kuno. Amon ru manusub aku ra sangulun saujor, ‘Ugar!’ Io pana mugar. Amon ru mindagu aku ra ulun bokon ‘Ibok!’ Io pana matong. Amon ru manusub aku ra ulipon kuno, ‘Baalo' gitio!’ Io pana gumagaya'.”

LUKAS 10:1

Pampili' boo i Jisus ra tulu' ngoopor am ruo ngaulun poyo maamaya'. Susubo' No ilo tumaruo sumigulu intor Riso mongoi ra moonong bandar am intok apitan Nano.

LUKAS 10:19

Rongogo' min! Inanian takamin ra kuasa' manginjang ra kukuo makabisa' am lingait am niayuk kuasa' makaanggal ra ikang ru pantula' mino. Kolondo' mampakaruol ramuyun.

JUANIS 14:12

Ondo' raguon Kutu motopot: Osoi ayuk mangintopot Raki', mambaal ra kandoi mogondo' ra binaal Kuli. Mulu' poyo baalon no ka Aku, sabap ra sumaguli' Aku ri Ama'.

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 3:16

Ra kuasa' ri Jisus ulun kalo makalulu' ti pinaligag. Atan ondo' makito am matainuan min nasauk sabap ra nangintopot io ri Jisus am kuasa' Nano. Sabap ra ulun ti nangintopot ri Jisus, nababas io, koson ra nakito min galama'.

RINALATAN 4:30

Paintalango' noyo kuasa' Muno koson ra ulun marualan mababas. Gama' ru kaimuagan am tatandu' ra bokon masauk ralalom ru kuasa' ri Jisus, Ulipon Muno ra matulai.”

RINALATAN 9:34

Indagu i Pitrus riso, “Inias, i Jisus Kristus mamabas rirun. Sukal no am ruluno' kaalangan muno.” Paat ragili niayuk siminukal i Inias.