LUKAS 8:7 - Tanou Moonsoi Timugon

⁷ Mokoondo' poyo sampug naratu' ra tana' makakusingan. Karuruo timinuu'. Kaa' napisi' tutuu' ti ru kusingan saboi minatoi.

LUKAS 8:7 Iomraidhean Croise

KASAUKAN 3:18

Tana' ti makaampos ra tutuu' am tutuu' makaruui; tutuu' lumayau masauk ra akanon muno.

JIRIMIA 4:3

Indagu Tuhan ra mamagun ru Jiuda am Jirusalim, “Kondoyo' tana' mino ondo' kalo poyo nakandoi; pai' tiasi' ra sampug giu' ra intok ru tutuu' makaruui.

MATIUS 13:22

Sampug ondo' naratu' ra tatanga' ru bulungkut no koson ra ulun ondo' mangkirongog niayuk ra tanou no, kaa' maimamang ilo ra kaayagan nilai am pamaguangan nilo ra lumangkaya' mamisi' ra tanou no saboi kalo mangkawa' ilo.

MATIUS 13:7

Mokoondo' niayuk naratu' ra tatanga' ru bulungkut ondo' timinuu' am mamisi' ra tutuu' ru sampug no.

MARKUS 4:7

Mokoondo' poyo naratu' ra tanga' ru bulungkut makaruui no, ondo' timinuu' am pinisi' io saboi kalo nangkawa'.

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

LUKAS 8:14

Ondo' naratu' ra tana' makakusingan i, io no ulun ondo' mangkirongog ra bala' no, kaa' pagalabaan, kalangkayaan am kasagaan ru guang nilai ti galama' mamisi' ra bala' no saboi kawa' nilai kalo maansak toojo.

LUKAS 8:6

Mokoondo' niayuk naratu' ra tana' makabatu. Paat ra tutuu' ti minulai, liminonot io ra mataki' sabap ra tana' no mapua' kaga'.

LUKAS 8:8

Kaa' sampug ondo' naratu' ra tana' malabung, timinuu' am nanangkawa' ra maatus poyo ruli'.” Pupusi' boo ri Jisus ra bolos mosongou, “Rongogo' am karaa' min toojo!”