LUKAS 8:6 - Tanou Moonsoi Timugon

⁶ Mokoondo' niayuk naratu' ra tana' makabatu. Paat ra tutuu' ti minulai, liminonot io ra mataki' sabap ra tana' no mapua' kaga'.

LUKAS 8:6 Iomraidhean Croise

JIRIMIA 5:3

Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

YEHEZKIEL 11:19

Aniin Ku ilo ra guang am pangkaraan ondo' bagu. Aligin Ku guang nilo ondo' mokotog koson ra batu, ra guang ondo' gumagaya'.

YEHEZKIEL 36:26

Aniin Takamin ra guang am pangkaraan ondo' bagu. Aligin Ku guang mino ondo' mokotog ra guang ondo' gumagaya'.

AMOS 6:12

Masimbul kia kuda giu' ra bulur batu? Maradu' kia raat ra sapi'? Kaa' pinatumbalik min katimpakan saboi nasauk ra tuwo, am baal ondo' motopot nasauk ra nasala.

LUKAS 8:13

Ondo' naratu' ra tana' makabatu i, io no ulun ondo' mangkirongog ra bala' no am maansukan ilo mangapu. Kaa' bala' no kalo siminoroi ra guang nilai. Sangkinolor ayuk ilo mangintopot. Pakauma' ilo ra pangkinaman kalo boo mangintopot ilo.

LUKAS 8:5

“Mokoondo' sangulun mangandoi ra umo mapatias ra sampug. Paat io napatias i, mokoondo' naratu' ra bayaan ru ulun saboi kininjangan am niayuk inakan poyo ru susuit.

LUKAS 8:7

Mokoondo' poyo sampug naratu' ra tana' makakusingan. Karuruo timinuu'. Kaa' napisi' tutuu' ti ru kusingan saboi minatoi.

IBRANI 3:15

Gitio noyo ondo' tinulisan ra Buuk Kitab: “Amon ru orou raiti' makaining kau ra bolos ri Aki Kapuuno', pai' noyo kotogo' guang mino koson ra kinamatuaan mini, paat ra ilo minanggal ri Aki Kapuuno'.”