LUKAS 8:47 - Tanou Moonsoi Timugon

⁴⁷ Pakatutun ruandu' no ra binaal nali napandayan noyo, nonontol io mininggaar ri Jisus am igulatur ra saang Nano. Tunungo' no ra saang ru ulun masuang no kua kambong io ri Jisus am ati kulaan kapali' maruol nali ra mataki'.

LUKAS 8:47 Iomraidhean Croise

MAZMUR 2:11

Pangandoi kano ra Tuhan ra guang matikop ra kaintapatan;

MAZMUR 38:9

Natutuk aku am kolondo' lulu'; mampalaa aku sabap ra guang mangiluk.

MAZMUR 66:16

Ibok no am rongog no, akau ngaangai' ulun ondo' mangurumat ri Aki Kapuuno', tunungon ku atan ondo' binaal Nano raki'.

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

GOSIA 13:1

Paat ra galing i paat ra bansa' ru Ipraim minindagu, bansa'-bansa' ra bokon giu' ra Israil malaa'. Mangurumat ilo kaga' ra Ipraim, kaa' raino bansa' ru Ipraim makatula. Sinamba nilo Baal, ginio ra matoi ilo.

GOSIA 5:3

Makapandai Aku ramuyun, akau Israil. Kalo makapansibuni kau intor Raki', am ulun mino kalo maaya' sumamba Raki'.”

ABAKUK 3:16

Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.

MATIUS 28:8

Kabalu' pana naansukan ilo nalaa' piboo kakaga' am indibok ingkual intor ra lobong no am simbul ilo ongoi pambala' ra maamaya'-maamaya' Nano.

MARKUS 5:33

Ruandu' i nalaa' saboi nonontol am ongoi io igulatur ra saang ri Jisus am pambala' io ra ngaangai' binaal nali.

LUKAS 8:46

Kaa' indagu i Jisus, “Raitii' ni mokoondo' kiminambong Raki', sabap ra nalimanan Ku mokoondo' kuasa' miningkual intor Raki'.”

LUKAS 8:48

Indagu i Jisus ra ruandu' no, “Napali' kou sabap ra nangintopot kou Raki'. Ugar no mabaya' ra kaansayan.”

RINALATAN 16:29

Pakitaak boo tingganai i ra lampung, pasimbul io ra ralalom ru pangaputan am nonontol io pakakubu ra saang ri Paulus am i Silas.

1 KORINTUS 2:3

Gili boo ra aku soroi ramuyun, malawo guang kuno am nalaa' aku toojo saboi nonontol.

2 KORINTUS 7:15

Am rumuang poyo kinotogom nano ramuyun, paat ra io nakakara' ra ati kulaan kau ngaangai' giminagaya' ra panusuban nali, am niayuk ati kulaan kau nangapu riso ra guang minggana' am urumat.

PILIPI 2:12

Sabap raginio pabukat ondo' tagamin kuno, koson masalok kau niayuk giminagaya' raki' paat ra aku soroi ramuyun, mulu' poyo gagaya' mino ra raino ti ra itakau nakapaginggalur. Pirot kano mompogogot ra kaansayan ru pamayagan minti, ioginio mansail ra ati kulaan kinapirot ru guang min sumugut am mangurumat toojo ri Aki Kapuuno'.

IBRANI 12:28

Intor raginio, paringkuanang takano ri Aki Kapuuno', sabap ra inanian takau ra rondo' pagun ondo' kalo maalap kauyog. Pongompor am samba takano Riso maya' ra kasagaan Nano, ioginio mabaya' ra urumat am inggana' ru guang.

1 SAMUIL 16:4

Binaal ri Samuil atan ondo' rinagu ru Tuhan no riso. Minongoi io ra Bitligim am tingganai ru bandar no minatong uma' riso ra nonontol ra malaa'. Nangkuot ilo, “Ratangan mutu magibit kia ra kaansayan?”