LUKAS 8:44 - Tanou Moonsoi Timugon

⁴⁴ Inggaar ruandu' no ri Jisus intor ra bakulung am kambong ra pompor ru bayang ri Jisus i. Sangkuliop ayuk am kapali' io.

LUKAS 8:44 Iomraidhean Croise

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

MATIUS 20:34

Makaasi' boo i Jisus risilo. Papuyayo' No kalindu' Nano ra mato ru karuo ulun bolou i, am paat ragili niayuk makakito ilo. Ilo pana baya' boo ri Jisus.

MATIUS 8:3

Papuyayo' ri Jisus kalindu' Nali ra ulun no am indagu Io, “Masaga' Aku, kapali' no!” Paat ragili niayuk maruol nali napali'.

MATIUS 9:20

Sangulun ruandu' ondo' mopor am ruo ngambilor noyo naimbolo' ra liniuran, ioginio maruol ru ruandu', mininggaar ra timbakulungon ri Jisus am kambong io ra pompor ru sukub Nano.

MARKUS 6:56

Ati ayuk angayan Nano, pamagunan, pekan kapoam bandar, ulun mapabanta' ra ulun-ulun marualan giu' ra tamu, am makitaak ilo Riso koson pokombongon ilo ayuk ra pompor ru sukub Nano. Ngaangai' ulun pana ondo' nakakambong i, nababas.

LUKAS 13:13

Pabantaa' ri Jisus kalindu' Nali ra ruandu' no, am paat ragili niayuk nabanis inan nali am nongongompor io ri Aki Kapuuno'.

LUKAS 7:38

Bigor io ra bakulung ri Jisus, mamaar ra kalayam Nano, am pantangi' io saboi naasa' kalayam ri Jisus ra lomou nali. Bagu piiri' no kapuaa' kalayam ri Jisus ra abuk nali, alaki' no kalayam Nano am buuri' no ra umau maamis owou i.

LUKAS 8:43

Mokoondo' intor risilo i sangulun ruandu' ondo' mopor am ruo ngambilor noyo buoi no makamaruol ra liniuran. Kinai' no ngaangai' longgom nano koson makibabas ra duktur, kaa' maruol nano kalo naalap kababas.

LUKAS 8:45

Pangkuot i Jisus, “Osoi kiminambong Raki' ni?” Kaa' inali' ru ngaangai' ulun. Taam boo i Pitrus, “Tuan, masuang kaga' ulun makaguut Rirun sabap ra magigisok ilo minggaar Rirun!”

JUANIS 5:13

Kaa' ulun bagu binabas i kalo nakapandai osoi io, sabap ra minongoi i Jisus latok ra ulun masuang ru giu' i.

RINALATAN 19:12

Ginio ra konoon parasa' am poyo konoon ra bokon ondo' pinakai ri Paulus inibit ra ulun mangarualan. Maruol nilai pana nairu' am riwato pana pinagiru' intor risilo.

RINALATAN 5:15

Sabap ra kaimuagan ondo' binaal ru rasul-rasul no, ulun mangarualan palanganon ra tilam kapoam apin, am ibiton ilo boo ra ralan koson malansan makatiu' ra babara' ri Pitrus, paat ra io mansail ra giu' i.

SAGULION 22:12

“Pikito' noyo rumbai-rumbai ra kaapat-apat pompor ru bayang min.”