LUKAS 8:3 - Tanou Moonsoi Timugon

³ i Joana, andu' ri Kuja, pagawai ra istana raja' Irodis, i Susana am masuang poyo ruandu' ra bokon. Masalok ilo mangindangan ri Jisus am maamaya' Nano koson mangani' risilo ra balanja'.

LUKAS 8:3 Iomraidhean Croise

1 TUNUNG RU BANSA' ISRAIL 29:14

Aku am mamagun kuno sotopot no kalo makapangani' ra atan pana Rirun, sabap ra ngaangai' tinaakan Muno am atan ondo' taakin maiti longgom Muno niayuk.

JISAYA 23:18

Nansalinut ampos ru pangindapuan raginio pataakon ayuk ra Tuhan. Ruit intor ra pangindapuan no kalo buliin kaa' pakayon koson pabalion ra akanon am bayang ru ilo ondo' sumamba ra Tuhan.

MATIUS 14:1

Paat ragili niayuk raja' Irodis, gabenor ru libung Galilia, nokorongog ra tanou ri Jisus.

MATIUS 14:3

Kukula' buoi ra nakasail i, maya' ra susuban ru raja' Irodis, i Juanis Mampariu' ti rinakop. Bangkilo' io am pasubolo' ra pangaputan. Binaal ru raja' Irodis koson raginio maya' ra kasagaan ri Irodias, andu' ri Pilipus, pongkotob ru raja' Irodis.

MATIUS 14:6

Paat ra pangiantakan orou naganakan ri Irodis, anak ruandu' ri Irodias nansayau ra saang ru tambului-tambului no. Tinuyang-tuyang ri raja' Irodis lumaai riso,

MATIUS 2:11

Umpos ilo ra baloi i am pagilong ra Anak no am ina' Nano i Maria. Igulatur ilo am samba ra Anak no. Ilo pana nangukab boo ra kaban ru rapu' nilono am patalango' ra Anak no ioginio; mas, kaminyan am mur, am pinataak ngaangai' taak no Riso.

MATIUS 20:8

Paat ra lumondom, indagu tatangan ra umo i ra mandur ru ulun-ulun mangngandoi i, ‘Piawo' ngaangai' mangngandoi am gajii' noyo, intor ra piniau ku mangandoi ra mamai' ti saboi ra ondo' nangandoi intor ra susuab i!’

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

MATIUS 26:11

Ulun musikin masalok mabaya' ramuyun, kaa' Aku kalo mantilayun mabaya' ramuyun.

MATIUS 27:55

Mokoondo' masuang niayuk ruandu' ondo' nagilong intor ra maalur. Ilo ti minaya' ri Jisus intor ra libung ru Galilia am nangindangan Riso.

LUKAS 24:10

Ruandu'-ruandu' raginio ondo' nantunung ra ngaangai' ti ra rasul-rasul no, iono i Maria Magdalina, i Juana am i Maria ina' ri Jakub, am poyo ruandu' ra bokon ondo' minaya' risilo.

JUANIS 12:6

Rinagu no ginio sala' ka sabap ra masaga' io mangindangan ra ulun musikin, kaa' sotopot no io sangulun mantatakou. Io ti mampaguut ra rumpit nilai, am maindalom io noyo mantakou ra ruit ondo' pinabulian riso.

RINALATAN 13:1

Ralalom pasimpungan ulun Kristian ra Antiokia, mokoondo' kukula' ngaulun nabi am niayuk mangingila'. Ilo ti am i Barnabas, Simon ondo' sabiton ri Maitom, Lukius intor ra Kirini, i Minaim ondo' tinalanak nabaya' ra gabenor Irodis am niayuk i Saulus.

2 KORINTUS 8:9

Makapandai kano toojo ra kataawan ru Tuhan takau i Jisus Kristus. Kabalu' pana langkaya' Io, kaa' koson ra kaatangan min, siminauk Io ra musikin, maa' raginio mansail ra kinamusikin nano lumangkaya' kau ra pagilangan ri Aki Kapuuno'.

PILIPI 4:22

Ngaangai' ulun ri Aki Kapuuno' ragiti mampasaboi ra kaansayan nilo ramuyun, mulu' poyo ilo ondo' mayan ra istana ru Kaisar.

1 TIMOTIUS 5:10

am kauligan mambaal ra moonsoi koson; matanda' nampasukor ra anak nano, mataau mangapu ra tambului, maluoi mangindangan ra ulun Kristian suku' ra kandoi kalo maatang, mangindangan ra ulun makakapaganan am mapirot io mambaal ra atan ayuk kandoi moonsoi.