LUKAS 8:29 - Tanou Moonsoi Timugon

²⁹ Minindagu ulun no koson raginio sabap ra susubon ri Jisus riwato no mingkual intor riso, sabap ra riwato no masalok mangayat riso. Kabalu' pana kalindu' am kalayam nano bangkilon ra rantai am alungin io toojo, kaa' lakat io ayuk poyo makauntas ra rantai no am ayaton io ra tana' kaagisan.

LUKAS 8:29 Iomraidhean Croise

MARKUS 5:8

Ulun ti minindagu koson raginio sabap ra i Jisus nambala' riso, “Ingkual riwato! Ingkual intor ra ulun ti!”)

LUKAS 8:28

Pakakito io ri Jisus golok io, am igulatur io ra saang Nano am indagu ra mosongou, “Jisus, Anak ri Aki Kapuuno' Ondo' Masawat Kaga'! Atan kitaakon Muno raki'? Pai' aku imboloo'!”

LUKAS 8:30

Kuati' ri Jisus riwato no, “Osoi inggalan muno?” Taam io, “I Ligion,” sabap ra masuang kaga' riwato siminubol riso.

LUKAS 9:39

Paat io subolon ru riwato mompopogolok io am inan nano pana kumakang saboi manamputa' kabang nano. Imboloon io ru riwato no ondo' kalo masaga' mingkual intor riso!

LUKAS 9:42

Pakainggaar lalaing no ri Jisus, pinagiampas io ru riwato no am inan nano pana kumakang. Kaa' susubo' ri Jisus riwato no magiru' am babaso' no lalaing i. Pasagulio' boo lalaing i ra ama' nali.