LUKAS 8:28 - Tanou Moonsoi Timugon

²⁸ Pakakito io ri Jisus golok io, am igulatur io ra saang Nano am indagu ra mosongou, “Jisus, Anak ri Aki Kapuuno' Ondo' Masawat Kaga'! Atan kitaakon Muno raki'? Pai' aku imboloo'!”

LUKAS 8:28 Iomraidhean Croise

JISAYA 27:1

Orou raginio Tuhan mamakai ra ilang Nano ondo' maayo, malarom, am ondo' makapatoi koson mangukum ra Liwiatan, kukuo ra maras am talilingkong no, am koson mamatoi ra tambuakal ru raat.

MATIUS 8:29

Golok ilo, “Atan pamakuan Mu ramon, Oi Anak ri Aki Kapuuno'? Mangukum Kono kia ramon ra kalo poyo nasuku' orou inaru' no?”

LUKAS 8:27

Paat ri Jisus minasak ra nagas i, umaa' Io ru sangulun ungkuyon intor ra giu' ondo' sinubol ru nansalinut riwato. Nabuoi io no nantilagas ayuk am marara' mayan ra baloi, kaa' sumoroi io ayuk ra kalabangan.

LUKAS 8:29

Minindagu ulun no koson raginio sabap ra susubon ri Jisus riwato no mingkual intor riso, sabap ra riwato no masalok mangayat riso. Kabalu' pana kalindu' am kalayam nano bangkilon ra rantai am alungin io toojo, kaa' lakat io ayuk poyo makauntas ra rantai no am ayaton io ra tana' kaagisan.

JAKUBUS 2:19

Mangintopot kou no alia ra rondo' ayuk i Aki Kapuuno'. Motopot! Riwato-riwato pana mangintopot ragitio am malaa' ilo Riso, suku' ra monontol.

2 PITRUS 2:4

Malaikat-malaikat ondo' nambaal ra tula no pana kalo pinoloso ri Aki Kapuuno', kaa' inukuman No, am pinatiran ra naraka. Binangkil ilo ra intok molondom suku' Orou Pangakiman.

1 JUANIS 3:8

Kaa' osoi ayuk marayus mambaal ra tula, io no anak ru Tingganai ru riwato. Sabap ra naintaran noyo ra talimpuun i, Tingganai ru riwato no makatula. Ginio ra Anak ri Aki Kapuuno' riminatong, mongoi pamuso ra kandoi ru Tingganai ru riwato no.

PINAINTALANG 20:10

Tingganai ru riwato boo ondo' namparuung risilo no pinatiran ra tasik ru apui ondo' naratok ra balirang mapaang. Gili, gitio noyo namatiran ra bibiag masigo am migiangku ra nabi no am imboloon ilo orou-rondom ra sabuoi-buoi no.