LUKAS 8:2 - Tanou Moonsoi Timugon

² Mokoondo' niayuk kukula' ngaulun ruandu' minaya' risilo. Gili pinagiru' noyo ri Jisus riwato intor risilo am binabas ilo intor ra maruol nilai. Ilo ti am i Maria, ondo' poyo sabiton Magdalina, ondo' sinubol ru tulu' riwato kaa' pinagiru' noyo ri Jisus;

LUKAS 8:2 Iomraidhean Croise

MATIUS 4:24

Tanou ri Jisus nakatabual noyo giu' ra titikop pagun ru Siria, saboi masuang ulun nagibit ra ulun marualan am poyo ulun mokoondo' ra nansalinut kapaganan tumuum Riso: ulun sinubol ru riwato, am ondo' mamumukat, am poyo ulun kalo makalulu'. Ilo ngaangai' ti binabas ri Jisus.

MARKUS 16:1

Kopongo orou Sabat, i Maria Magdalina, Maria ina' ri Jakubus am i Salomi minongoi pambali ra apa' maamis owou koson pakupilon ra baangkai ri Jisus.

MARKUS 16:9

Kopongo ra i Jisus binayag noyo saguli', ra iosusuab ra orou minggu', minintalang Io galing ri Maria Magdalina. (Intor ri Maria ti, igondo' i Jisus napaingkual ra tulu' riwato.)

LUKAS 23:27

Masuang ulun siminunu' ri Jisus; intor risilo i mokoondo' kukula' ngaulun ruandu' nantangi' am nanulaboi ri Jisus.

LUKAS 23:49

Ngaangai' ulun ondo' nakaulig ri Jisus, am niayuk ruandu'-ruandu' pana ondo' siminumbaya' ri Jisus intor ra Galilia i, minigor am nagilong intor ra maalur ra ngaangai' ondo' nasauk i.

LUKAS 23:55

Ruandu'-ruandu' ondo' siminumbaya' ri Jisus intor ra Galilia, siminunu' ri Jusup. Inilayan nilo kalabangan i am ati kulaan pinalangan baangkai ri Jisus ra ralalom i.

LUKAS 8:30

Kuati' ri Jisus riwato no, “Osoi inggalan muno?” Taam io, “I Ligion,” sabap ra masuang kaga' riwato siminubol riso.

JUANIS 19:25

Mamaar ra salip ri Jisus i minigor ina' Nano, pinongkotob ru ina' Nano, i Maria andu' ri Klopas am niayuk i Maria Magdalina.

RINALATAN 1:14

Ngaangai' ilo ti rondo' guang am masalok ilo tumimung makiasi' mababaya' ra ruandu'-ruandu', i Maria ina' ri Jisus am pabukat-pabukat ri Jisus.