LUKAS 8:15 - Tanou Moonsoi Timugon

¹⁵ Ondo' naratu' ra tana' malabung i, io no ulun ondo' mangkirongog ra bala' no am porondonon nilo ra guang ra matanda'. Mongorot ilo saboi manangkawa'.”

LUKAS 8:15 Iomraidhean Croise

MAZMUR 119:11

Ukum Muno buliin ku ra guang kuno, maa' raginio kolondo' boo tula kuno Rirun.

MAZMUR 51:10

Polosoo' aku mangkirongog ra bolos kasagaan am kaansukan, maa' raginio guang kuno ra tutukon am umokon Muno, maansukan saguli'.

AMSAL 3:1

Alii ra anak kuno, pai' liliani' pangilaan kuno. Masalok kou mangkara' ra panusuban kuno,

JIRIMIA 15:16

Minindagu Kou raki', am norongog ku moonong ragu Muno. Aku longgom Muno, iou Tuhan i Aki Kapuuno' Ondo' Maayo Kaga' Kuasa'; ginio ra ragu Muno nangani' ra kaansukan am kaansayan raki'.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

JIRIMIA 32:29

am solobon. Solobon nilo saboi makai' mababaya' ra baloi-baloi ru ulun ondo' napasingkual ra sangit Kuno. Giu' ra taap ru baloi solobon nilo kaminyan ra Baal am pasasaron wain koson pataakon ra dewa-dewa.

MATIUS 24:13

Kaa' osoi ayuk tumaan saboi ra pupus no bayagon.

LUKAS 11:28

Kaa' taam i Jisus, “Sotopot no, pakaansuk noyo ilo ondo' mangkirongog ra ragu ri Aki Kapuuno' am gumagaya'!”

LUKAS 6:45

Ulun moonsoi makapaliso niayuk ra moonsoi, sabap ra guang nano napanu' ra kaansayan. Ulun malaat makapaliso niayuk ra malaat, sabap ra guang nano napanu' ra kalaatan. Sabap ra atan ondo' raguon ru ulun matong intor ra guang.”

LUKAS 8:14

Ondo' naratu' ra tana' makakusingan i, io no ulun ondo' mangkirongog ra bala' no, kaa' pagalabaan, kalangkayaan am kasagaan ru guang nilai ti galama' mamisi' ra bala' no saboi kawa' nilai kalo maansak toojo.

LUKAS 8:16

“Kolondo' sangulun pana mansikit ra lampung am tingkapin no ra pasu' kapoam pasusuton ra saau ru pambalangan. Kaa' maaru' patampakon tupo ra tampakan ra lampung koson makito ru ulun binusasal no paat ra ilo mumpos.

JUANIS 14:15

“Amon ru motogom kau Raki', suguton min panusuban Kuno.

JUANIS 15:10

Amon ru gumagaya' kau ra panusuban Kuno, rumondon kau ra togom Kuno. Ginio mogondo' ra Aku gumagaya' ra panusuban ri Ama', am rumondon Aku ra togom Nano.

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

ROMA 6:22

Kaa' raino, pinalabus kano intor ra tula am masauk ra ulipon ri Aki Kapuuno'. Onong ru ginio kaayagan mino patimpokon noyo ri Aki Kapuuno' am ginio manangampos ra kaayagan motopot am mantilayun.

ROMA 7:18

Ginio ra kolondo' moonsoi soroi ra guang kutu, ioginio paliso kuno ra ulun. Sabap ra iou pana masaga' aku mambaal ra moonsoi, kalo makapambaal aku.

ROMA 7:4

Pabukat kau ngaangai', koson niayuk raginio ramuyun. Maya' ra pagilangan Ukum ri Musa koson ra minatoi kau noyo, sabap ra siminimpung kau ra inan ri Kristus. Akau raino i Kristus noyo tatangan, Io ondo' binayag saguli' intor ra kapatayan, maa' raginio kaayagan takau mokoonong ri Aki Kapuuno'.

ROMA 8:25

Kaa' amon ru lumansan takau ra atan ondo' kalo poyo makito, kulimanon takau ra guang mataan.

1 KORINTUS 7:19

Sabap ra makasunat kapoam kalo, ginio kalo maatang ri Aki Kapuuno'. Ondo' ayuk maatang am gumagaya' ra susuban Nano.

IPISUS 2:8

Sabap ra asi' ri Aki Kapuuno' noyo itakau binayag, ioginio sabap ra pangintapatan takau. Am kaayagan no sala' ka intor ra baal moonsoi takau, kaa' ginio taak intor ri Aki Kapuuno'.

SAGULION 30:6

Tuhan i Aki Kapuuno' min manaak ramuyun am papag min ra guang ondo' gumagaya' maa' raginio motogom kau Riso ra sotopot ru guang, am makaayan magulayun giu' ra tana' no.

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

KOLOSI 1:10

Kon raginio boo ra maayag kau sumugut ra kasagaan Nano am makapapabansuk ra guang Nano, ioginio kaayagan min magibit ra nansalinut baal moonsoi am mulu' poyo makaintutun kau ri Aki Kapuuno'.

KOLOSI 1:6

Tanou Moonsoi ti nagibit ra barakat am nakatabual ra ati ayuk intok ra tana' ti, koson niayuk ra tatanga' min. Kataawan poyo ri Aki Kapuuno', ondo' naining min ra kasaa' i, maintutunan min ra atan ginio sotopot no.

IBRANI 10:36

Musiti' pantataan ayuk guang min, maa' raginio makapampagagaya' kau ra kasagaan ri Aki Kapuuno' am makaalap kau ra atan ondo' binantu' Nali.

IBRANI 2:1

Sabap ra kuasa' ru Anak Nano maayo intor ra malaikat, mingkotog takau poyo toojo gumuut ra pangilaan ondo' norongog takau noyo, maa' raginio kalo mangiruan takau ra katapatan.

JAKUBUS 1:4

Ginio ra moonsoi pirot kano pantataan am pai' kano noyo kalawo, saboi matanda' kau toojo am kolondo' boo kalawaan min ra atan ayuk pana.

1 JUANIS 2:3

Amon ru gumagaya' takau ra ngaangai' susuban ri Aki Kapuuno', ginio tatandu' ra itakau ti nakaulig ri Aki Kapuuno'.