LUKAS 8:1 - Tanou Moonsoi Timugon

¹ Kalo nabuoi ragili, mugar-ugar i Jisus ra masuang bandar am pamagunan. Nampabala' Io ra Tanou Moonsoi ra i Aki Kapuuno' tumalimpuun noyo mamarinta. Mopor am ruo ngaulun maamaya' Nali minaya' niayuk Riso.

LUKAS 8:1 Iomraidhean Croise

MATIUS 11:1

Kopongo i Jisus nangila' ra mopor am ruo maamaya' Nano, iruani' No boo intok raginio am ongoi pangila' am poyo pampatanou ra tanou intor ri Aki Kapuuno' giu' ra bandar-bandar ondo' nakapaginggaar no.

MATIUS 13:19

Ulun ondo' mangkirongog ra tanou ati kulaan i Aki Kapuuno' mamarinta, kaa' kalo makarati', ulun koson ragitio noyo koson ra sampug ondo' naratu' ra ralan. Tingganai ru riwato no riminatong am nampagaau ra atan ondo' nakatias ra ralalom ru guang nilono.

MATIUS 4:23

Sinuku' ri Jisus titikop libung ru Galilia. Nangila' Io ralalom ru baloi sambayangan am nampatanou Io niayuk ra Tanou Moonsoi ra mamarinta i Aki Kapuuno'. Namabas Io ra ngaangai' maruol ru ulun masuang.

MATIUS 9:35

Minongoi i Jisus ra ngaangai' pekan am pamagunan. Nangila' Io giu' ra baloi sambayangan am nampatanou ra Tanou Moonsoi ra i Aki Kapuuno' mamarinta. Namabas Io ra ulun-ulun intor ra nansalinut maruol nilono.

MARKUS 1:39

Ugar Io boo ra tikop-tikop ru Galilia. Pambala' Io ra Tanou Moonsoi ralalom ru baloi sambayangan am mampagiru' Io ra riwato.

LUKAS 1:80

Anak ri Jakaria i siminukor am kinuasa' io poyo toojo ri Aki Kapuuno'. Minayan io giu' ra tana' kaagisan suku' ra orou pambalaan nano ra ulun ru Israil osoi io sotopot no.

LUKAS 20:1

Sangarawan raiti, paat ri Jisus nangila' am nampabala' ra Tanou Moonsoi ra ulun masuang giu' ra Baloi Tuhan, ratong tingganai imam Jaudi, mangingila' ra Ukum ri Musa am tingganai ru ulun ru Jaudi

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

LUKAS 9:6

Ugar maamaya' ri Jisus am ongoi ilo ra moonong pamagunan mampabala' ra Tanou Moonsoi am mamabas ra ulun marualan ra ati ayuk nasukuan nilo.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 13:32

Raino akai mampasaboi ra Tanou Moonsoi ti ramuyun: Atan ondo' binantu' ri Aki Kapuuno' ra kinamatuaan takali,

ROMA 10:15

Mailo ilo mampatanou amon ru kolondo' manusub risilo. Kon niayuk tinulisan ra Buuk Kitab, “Mumpara' boo bonsoi ratangan ru ilo ondo' mampabala' ra tanou moonsoi!”