LUKAS 7:34 - Tanou Moonsoi Timugon

³⁴ Ratong Anak ru Ulun, mangakan am manginum Io am kamin boo, ‘Ilai' ulun no! Moroot, gagaukon, kumubayau Io ra ulun mampalulur ra cukai am ulun ondo' karaan ra malaat.’

LUKAS 7:34 Iomraidhean Croise

MATIUS 11:19

Paat ra Anak ru Ulun no matong mangakan am manginum; kon boo ru ulun, ‘Ilai' min ulun no! Moroot, gagaukon, am rangan ru mampalulur ra cukai am ulun ondo' karaan ra malaat!’ Kaa' kapintaran ri Aki Kapuuno' makito intor ra kaayagan ru ulun ondo' nangapu ra kapintaran raginio.”

MATIUS 5:46

Atan barakat maalap min intor ri Aki Kapuuno' amon ru motogom kau ayuk ra ulun ondo' motogom ramuyun? Sala' ka kia ulun mampalulur ra cukai pana mambaal koson raginio niayuk!

MATIUS 9:11

Kukula' ngaulun ru Parisi nakakito ra baal raginio. Kuati' nilo maamaya'-maamaya' ri Jisus, “Kua ra mangingila' mino mangkan magugulung ra mampalulur ra cukai am ulun ondo' karaan ra malaat?”

LUKAS 11:37

Kakai' ayuk i Jisus minindagu raginii, pangkimait sangulun ru Parisi no Riso mangakan giu' ra baloi nano. Ongoi i Jisus am panturung am tumalimpuun mangakan.

LUKAS 14:1

Sangarawan ra orou Sabat ru ulun ru Jaudi, minongoi i Jisus pangakan giu' ra baloi ru sangulun intor ra tayar Parisi ondo' nauligan toojo. Bambal ayuk ru ulun-ulun no monontong ri Jisus.

LUKAS 15:2

Tumalimpuun boo ulun-ulun ru Parisi am mangingila' ra ukum ri Musa mangalimut Riso, konilo, “Ilai', ulun ti mangapu ra ulun ondo' karaan ra malaat am niayuk gumulung risilo mangakan!”

LUKAS 19:7

Ngaangai' ulun pana sabubutok boo mangalimut magilong ragitio. Konilo, “Ulun ti mapit poyo boo ra baloi ru ulun makatula.”

LUKAS 5:29

Kopongo ragili pambaal i Liwi ra rondo' bunsag giu' ra baloi nano koson mangiantak ra ratangan ri Jisus. Masuang mampalulur ra cukai am ulun ra bokon poyo giminulung pangakan risilo.

LUKAS 7:33

Ratong i Juanis Mampariu', nampali am kalo nanginum io ra wain. Kamin boo, ‘Sinubol io ru riwato!’

LUKAS 7:35

Kaa' osoi ayuk mangapu ra kapintaran intor ri Aki Kapuuno' makatutun io ra ngaangai' baalon Nano motopot.”

LUKAS 7:36

Sangulun ru Parisi, nangkimait ri Jisus mangakan giu' ra baloi nano. Ratong i Jisus ra baloi nano am pangakan.

JUANIS 12:2

Giu' i pinaakan nilo Io. I Marta nampasulung ra akanon liliwa' i Lajarus mabaya' ra tambului nagayam ri Jisus.

JUANIS 2:2

I Jisus am maamaya' Nano piniau niayuk minongoi ra bunsag i.