LUKAS 7:29 - Tanou Moonsoi Timugon

²⁹ Ngaangai' ulun am mampalulur ra cukai pana nangkirongog ri Juanis. Ilo noyo ondo' giminagaya' ra susuban ri Aki Kapuuno' ondo' motopot am nakiriu' ilo ri Juanis.

LUKAS 7:29 Iomraidhean Croise

MAZMUR 51:4

Bagui' aku no intor ra ngaangai' kalaatan kuno, am liungi' aku no intor ra tula kuno.

MATIUS 5:46

Atan barakat maalap min intor ri Aki Kapuuno' amon ru motogom kau ayuk ra ulun ondo' motogom ramuyun? Sala' ka kia ulun mampalulur ra cukai pana mambaal koson raginio niayuk!

LUKAS 20:6

Kaa' amon ru tumaam takau, ‘Intor ra ulun,’ bobolon takau ra batu ru ngaangai' ulun, sabap ra ilo mangintopot toojo ra i Juanis ti sangulun nabi.”

LUKAS 3:12

Ulun-ulun ondo' mampalulur ra cukai, minatong ri Juanis koson makiriu'. Pangkuot ilo, “Mangingila', atan musiti' baalon mai?”

LUKAS 7:28

Indagu poyo i Jisus, “Karaa' min! Giti ra tana' ti, kolondo' sangulun pana maatang intor ri Juanis Mampariu'. Kaa' ulun ondo' kalo maatang ra ulun ri Aki Kapuuno', maatang poyo intor ri Juanis Mampariu'.”

LUKAS 7:35

Kaa' osoi ayuk mangapu ra kapintaran intor ri Aki Kapuuno' makatutun io ra ngaangai' baalon Nano motopot.”

RINALATAN 18:25

Inila' io no ra pangilaan intor ra Tuhan. Mapirot io toojo mampasaboi pangilaan ri Jisus ondo' motopot, kaa' koson ra pampariwan, pangilaan ri Juanis ayuk napandayan nali.

RINALATAN 19:3

Pangkuot poyo i Paulus, “Amon ru koson poyo raginio, pampariwan ra atan kia akau riniu'?” Taam ilo, “Pampariwan ri Juanis Mampariu'.”

ROMA 10:3

Kalo makarati' ilo ra ralan ati kulaan ra ulun mobonsoi saguli' ri Aki Kapuuno', am mirot ilo maya' ra ralan nilo galama' ayuk koson mobonsoi saguli' ri Aki Kapuuno'. Sabap raginio marara' ilo ra ralan nanuluan ri Aki Kapuuno'.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!

PINAINTALANG 16:5

Korongog ku malaikat ondo' nanguasa' ra timug no mindagu, “O Aki Kapuuno' Ondo' Mapasau Kaga', ondo' galing i am raino soroi. Ukum ondo' pinaratu' Muno motopot.

TINGGANAI RU BANSA' 1:7

Indagu Raja' Adoni-Bijik, “Ragili namutul aku ra pangina' ru kalindu' am pangina' ru kalayam ru tulu' ngoopor ngaulun raja', am nanganam ilo ra suwo ru akanon susut ru mija' kuno. Raino pinamakuan ri Aki Kapuuno' raki' koson ra pinamakuan kuno risilo.” Raja' Adoni-Bijik pana inibit boo giu' ra Jirusalim, am minatoi io ra giu'.