LUKAS 7:25 - Tanou Moonsoi Timugon

²⁵ Atan inongoi min ilai' ra giu'? Sangulun nambayang ra moonsoi kia? Ulun ondo' mambayang koson raginio am langkaya' kaga' mayan ayuk ra istana!

LUKAS 7:25 Iomraidhean Croise

2 SAMUIL 19:35

Balu' ngoopor ngambilor aku noyo am kolondo' boo mangani' ra kasagaan raki'. Kalo boo makasia' aku ra atan ondo' akanon kapoam inumon kuno, am kalo boo mokorongog ra bolos ru ulun marimbai. Aku ti masauk ayuk ra kapaganan rirun.

1 RAJA'-RAJA' 10:5

Raja' ruandu' ru pagun Syiba nakakito ra baal ru kandoi ru pagawai-pagawai istana, bayang ra sarampun am baloi nilo. Raja' ruandu' no nakakito ra akanon ondo' pinasulung, am ulipon-ulipon ondo' mangandoi ra Raja' Salomo paat ra pangiantakan; raja' ruandu' no niayuk nakakito ra taak-taak simbalui ondo' pinataak ru Raja' Salomo giu' ra Baloi ru Tuhan. Ngaangai' no nambaal ra raja' ruandu' ru pagun Syiba naansayan am nakasioro'.

2 RAJA'-RAJA' 1:8

Taam ilo, “Nansukub io ondo' binaal intor ra kungkung ru bibiag, am inabot ra abot intor ra kungkung.” Golok raja' no, “Ulun no i Ilia!”

ESTER 1:11

Nanusub raja' risilo nagibit ra Andu' raja' Wasti riso am nangkaraun ra pamarintaan. Andu' raja' no mantalur kaga' am makaguang raja' mampakito ra kinantalur nano ra tingganai-tingganai am tambului-tambului nano.

ESTER 1:3

Paat ra bilor katalu ru pamarintaan nano, nambaal Raja' Agaswiros ra bunsag maayo koson ra ngaangai' ru tingganai am pagawai nano. Panglima-panglima ru Pirsia am Midia, am niayuk gabenor-gabenor am pagawai mangaatang intor ra wilayah-wilayah minaya' saang ra bunsag no.

ESTER 4:2

Pupus no nakasaboi io giu' ra kulobon garabang ru istana, kaa' kalo siminubol io, sabap ra ulun ondo' nambayang ra karung kalo iowon sumubol.

ESTER 5:1

Paat ra orou katalu ru nampalian nano, nambayang i Ester ra bayang ru andu' raja', am ongoi ra liliut tampilon ralalom giu' ra istana am minigor giu' ra saang ru kulobon balairung. Tatanga' raja' nanturung giu' ra rasawat ru panturungan ru raja' ondo' nakatingkuang ra kulobon no.

ESTER 8:15

Kopongo raginio nangiruan i Mordikai ra istana, liliwa' nambayang ra bayang ru raja' makabatik motomou am mapulak, sukub matanggilung intor ra konoon linon ondo' malumis, am karaun mas ondo' moonsoi kaga'. Ulun giu' ra ralan-ralan maayo ru bandar Susan nagilakup sabap ra naansukan.

JISAYA 59:17

Katimpakan pakayon Nano koson ra bayang basi' am pamayagan koson ra tupi' basi'. Gogoton Nano koson manapuli' ra baal raginio am balasin kalo katimpakan.

MATIUS 11:8

Akau miningkual magilong ra atan? Sangulun ondo' nambayang ra moonsoi kia? Ulun ondo' nambayang koson raginio mayan ra istana!

MATIUS 3:4

Binayang ri Juanis no binaal intor ra bulu ru unta, am abot nano binaal intor ra kungkung. Akanon nano gapu' am ruu' ru maningot.

MATIUS 6:29

Kaa' balain takamin: Kabalu' pana langkaya' toojo i Raja' Salomo, kalo nakapambayang io koson ra kinoonsoi ru busak ti!

LUKAS 16:19

“Mokoondo' sangulun langkaya', bayang nano mongologo am maayag io ralalom kalangkayaan ra moonong orou.

LUKAS 7:24

Pakaugar ayuk ulun-ulun ondo' sinusub ri Juanis ni, tunungo' boo ri Jisus ra ulun masuang kandoi ri Juanis, indagu Io, “Atan inongoi min ilai' ra tana' kaagisan? Sakot nasiob ru angin kia?

LUKAS 7:26

Atan guat inongoi min ilai'? Sangulun nabi kia? Topot, kaa' mulu' poyo intor ra sangulun nabi.