LUKAS 7:16 - Tanou Moonsoi Timugon

¹⁶ Ngaangai' ulun nalaa' tojojo am nongompor ri Aki Kapuuno'. Konilo, “Sangulun nabi ondo' makakuasa' minatong ra tatanga' takau! Minatong noyo i Aki Kapuuno' mongoi pamayag ra ulun Nati!”

LUKAS 7:16 Iomraidhean Croise

MAZMUR 65:9

Ngaangai' namagun ra tana' ti malaa' am mangurumat, bulintok ra ilo makakito ra binaal muno ra makaimuag. Ginuang Muno magibit ra ulun magitapap ra longon ra titikop ru tana' intor ra pompor suku' ra pompor.

KAINGKUALAN 4:31

Mangintopot ilo, am igulatur samba paat ra nakaining ra nampalio Tuhan risilo am nakakito ra ngaangai' kaimbalaan nilo.

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

MATIUS 15:31

Ulun masuang no nangimuag paat ra ilo nakakito ra ulun bobou makaindagu, ulun ondo' kalo makalulu' nababas, ondo' pakira' makaugar toojo am ondo' bolou makakito saguli'. Omporo' nilo boo i Aki Kapuuno', Tuhan ru ulun ru Israil.

MATIUS 21:11

Taam ulun-ulun siminunu' ri Jisus no, “Gitio noyo nabi Jisus, intor ra pekan Nasarit, libung ru Galilia.”

MATIUS 28:8

Kabalu' pana naansukan ilo nalaa' piboo kakaga' am indibok ingkual intor ra lobong no am simbul ilo ongoi pambala' ra maamaya'-maamaya' Nano.

MATIUS 9:8

Pakakito ulun-ulun i ra nasauk koson raginio, nalaa' ilo am pongompor ilo ri Aki Kapuuno' sabap ra nanaak Io ra kuasa' ondo' maayo toojo ra ulun.

LUKAS 1:65

Nangalaa' ngaangai' pinasambalayan nano am tanou raginio nakatabual ra ngaangai' pamagunan ru kabuluran ru Judia.

LUKAS 1:68

“Omporo' takau no i Aki Kapuuno', Tuhan ru ulun ru Israil, sabap ra minatong Io mangindangan am mampalabus ra ulun Nano.

LUKAS 19:44

Mamagun muno potoyon am kolondo' rondo' batu pana posoroyon ra intok nano am lunsayon kou. Gitio masauk sabap ra kalo natutunan mu ra minatong noyo i Aki Kapuuno' mamayag rirun!”

LUKAS 2:20

Ulun-ulun magagalung riminuli' liliwa' mongongompor ri Aki Kapuuno' ra ngaangai' ondo' norongog am nakito nilai. Ngaangai' no nasauk koson ra rinagu ru malaikat i.

LUKAS 24:19

Pangkuot i Jisus, “Atan guat nasauk i?” Taam ilo, “Ondo' nasauk ri Jisus ulun ru Nasarit i. Io tupo sangulun nabi. Ngaangai' ragu am baalon Nali kinuasa' ri Aki Kapuuno' am ngaangai' mamagun nangiou Riso.

LUKAS 5:26

Nokosolong ngaangai' ulun am pongompor ilo ri Aki Kapuuno'. Nabaya' ra pangkaraan malaa', konilo, “Orou raiti' nakakito takau ra kaimuagan.”

LUKAS 5:8

Kakito ri Simon baal raginio, igulatur io ra saang ri Jisus am indagu, “Iruani' aku, Tuhan! Sabap ra aku ti ulun makatula!”

LUKAS 7:15

Sukal anak ungkuyon ra minatoi i, panturung am pakaindagu io boo, am pasagulio' ri Jisus ra ina' nali.

LUKAS 7:39

Kakito ru ulun ru Parisi no baal raginio, kon ru guang nali, “Amon ru sangulun nabi Io, kua polosoo' no ruandu' koson ragitio kumambong Riso. Maaru' nakapandai Io ra sotopot no ruandu' ti kauligan ra makatula!”

LUKAS 8:37

Ngaangai' mamagun ru Girasa no nakitaak ri Jisus koson mangiruan ra intok raginio sabap ra nalaa' ilo kaga'. Ginio ra sakoi i Jisus ra parau am uli' Io no.

LUKAS 9:19

Taam ilo, “Mokoondo' mindagu ra i Juanis Mampariu' kou lair. Mokoondo' mindagu ra nabi Ilia kou. Bokon no poyo mindagu ra okou ti lair sangulun intor ra nabi ru galing i ondo' naayag saguli'.”

JUANIS 1:21

Ginio ra pangkuot ilo, “Koson poyo ragino, osoi kou guat? Nabi Ilia kia?” Taam i Juanis, “Sala'.” Pangkuot ilo poyo, “Nabi binantu' i kia?” Taam io, “Sala'.”

JUANIS 1:25

Ginio ra pangkuot ilo ri Juanis, “Amon ru sala' ka okou Mamamayag ondo' sinusub ri Aki Kapuuno', kapoam i Ilia, kapoam Nabi binantu' i, kua pampariu' kou ra ulun?”

JUANIS 4:19

Indagu ruandu' i, “Tuan, makapandai aku ra Okou ti sangulun nabi.

JUANIS 6:14

Kakito ayuk ru ulun masuang no kaimuagan sinauk ri Jisus i, konilo, “Totopot Io ti noyo nabi ondo' matong ra tana' ti!”

JUANIS 9:17

Pangkuot poyo ulun-ulun ru Parisi ra ulun i, “Kamu, binabas No mato muni. Koson poyo raginio, guang mu, osoi Io?” “Io ti sangulun nabi,” kon boo ru ulun i.

RINALATAN 5:5

Pakaining ayuk i Ananias ra ragu ni, kaaba' io am patoi. Ngaangai' ulun ondo' nokorongog ra baal no nangalaa'.

RINALATAN 7:37

I Musa ti noyo minindagu ra bansa' ru Israil ra, ‘Manusub poyo i Aki Kapuuno' ra sangulun nabi intor ra bansa' min galama', koson niayuk ra Io nanusub raki'.’

GALATIA 1:24

Ilo pana nongompor boo ri Aki Kapuuno' sabap ra ondo' nasauk raki'.

SAGULION 18:15

Kaa' manusub Tuhan i Aki Kapuuno' min ra sangulun nabi ramuyun; nabi no koson raki' am iono intor ra bansa' min galama'; musiti' kau gumagaya' riso.