LUKAS 7:12 - Tanou Moonsoi Timugon

¹² Ilo maar nakasuku' ra subalan ru pekan no, mokoondo' ulun mingkual intor ra pekan namandas ra baangkai. Ondo' minatoi i am sangulun anak ungkuyon, anak langkuir ru sangulun napuor. Masuang ulun ru pekan i siminumbaya' ra napuor ti.

LUKAS 7:12 Iomraidhean Croise

KASAUKAN 22:12

Indagu malaikat no, “Pai' mu sinduali' kapoam jamari' anak no. Raino nakapandai Aku ra mangurumat am gumagaya' kou Raki', sabap ra kalo inanggal mu koson mapataak ra anak langkuir muno Raki'.”

KASAUKAN 22:2

Indagu i Aki Kapuuno' riso, “Ibito' anak ungkuyon langkuir muno i Isak, ondo' tagamin muno am ongoi ra tana' Moria. Giu' no makagunung ondo' patuluon Kuno rirun, pataako' anak muno koson taak simbalui Raki'.”

2 SAMUIL 14:7

Raino, ngaangai' ru sasambaloi kuno mantula' raki', am mansika' maa' raginio pataakon ku anak kuli ondo' namatoi no risilo. Masaga' ilo mangukum riso ra ukuman matoi sabap ra namatoi io noyo ra pabukat nano. Amon ru pataakon ku anak raginio, aku kolondo' boo anak. Mamuso ilo ra kalansanan kuno ra rondo' no ayuk am kalo manatang ra sangulun anak ungkuyon ra ralaki kuli koson manunggul ra papag nano.”

1 RAJA'-RAJA' 17:12

Taam ruandu' napuor no, “Ralalom inggalan ru Tuhan ondo' maayag, i Aki Kapuuno' ondo' sambaan muno, magibot aku ra kolondo' ruti' kuno. Soroi ayuk raki' sogonggom tapung ralalom ru mangkuk am sanganu umau jaitun ralalom ru butul. Tatanga' aku manimung sanganu luton koson ibiton muli' maa' raginio makapangansak aku ra akanon kuno am anak kuno. Ginio noyo akanon mai ondo' pupus; malupus raginio mangkuliman akai ra matoi ayuk.”

1 RAJA'-RAJA' 17:18

Indagu ruandu' napuor no ri Ilia, “Okou ulipon ri Aki Kapuuno', kua kia baalo' mu baal ragitio raki'? Ginio kia ra okou minatong ti koson mampakara' ri Aki Kapuuno' ra tula kuno, am mangkinibit ra patayan ru anak kuno?”

1 RAJA'-RAJA' 17:23

Ibito' ri Ilia anak no timinuun ra ragana', am pataako' ra ina' nano. Kon ri Ilia, “Ilai' kon, anak mutu naayag saguli'!”

1 RAJA'-RAJA' 17:9

“Ongoi no ra bandar Sarpat mamaar ra Sidon, am ayan no ra giu' no. Nanusub aku noyo ra sangulun ruandu' napuor ondo' namagun ra giu' no koson mangani' rirun ra akanon.”

2 RAJA'-RAJA' 4:16

Indagu i Ilisa riso, “Paat koson ra raino ti ra bilor sumunu' ti, mangubibil kou ra sangulun anak ungkuyon.” Kon ru ruandu' no, “Tuan, pai' ga pagabau raki'. Okou no ulipon ri Aki Kapuuno'!”

2 RAJA'-RAJA' 4:20

Ibito' ru ulipon no anak raginio ra ina' nano, am pinasapau ru ina' nano io saboi ra tanga' ru orou. Paat ra tanga' ru orou anak raginio minatoi.

AYUP 29:13

Inompor aku ru ulun ondo' mapagon kaga', am inindangan ku ruandu' napuor nakaalap ra sindungan.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

LUKAS 7:11

Kalo nabuoi ragili, ongoi i Jisus ra pekan Nain. Maamaya' Nano am ulun masuang pana minaya' Riso.

LUKAS 7:13

Kakito ri Jisus napuor no, nakaasi' Io riso am indagu, “Pai' pantangi'!”

LUKAS 8:42

Sabap ra anak ruandu' langkuir nano ondo' makaumur mopor am ruo ngambilor marualan am maar noyo matoi. Liliwa' i Jisus mangkiralan mongoi ra baloi ri Jairus ti, magigisok ulun masuang no minggaar Riso.

LUKAS 8:52

Ngaangai' ulun nantangi' am nanulaboi sabap ra pinatayan ru anak no. Kaa' indagu i Jisus, “Pai' pantangi'. Kalo minatoi anak no, kaa' nokororot ayuk.”

JUANIS 11:19

Masuang ulun ru Jaudi minongoi panimayo ri Maria am i Marta sabap ra pinatayan ru pagaka' nilai, i Lajarus.

RINALATAN 9:39

Tampos i Pitrus am baya' risilo. Pakasuku' ra giu' i, ibito' io ra lamin ru rasawat i. Ngaangai' napuor liminimpu ri Pitrus liliwa' nantangi' am patalango' nilo bayang am sukub ondo' pinikit ri Dorkas i risilo ra io lakat ayuk poyo soroi.

RINALATAN 9:41

Guuto' ri Pitrus longon nali am indangano' no bigor. Piawo' no boo ulun ondo' nangintopot am niayuk napuor-napuor, koson nampakito risilo ra naayag io poyo saguli'.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.