LUKAS 6:48 - Tanou Moonsoi Timugon

⁴⁸ Io no koson ra sangulun manambaloi. Kolondomo' no kali no ra luang am patirongo' toojo lugu' no ra batu. Paat ra mampaliur, kalo matungkob baloi ti sabap ra inindon am piniot toojo.

LUKAS 6:48 Iomraidhean Croise

2 SAMUIL 22:2

Tuhan manindung raki'; Io koson ra kubu mapiot raki'.

2 SAMUIL 22:32

Tuhan rorondo' ayuk i Aki Kapuuno'; i Aki Kapuuno' ayuk manaung ritakau.

2 SAMUIL 22:47

Naayag Tuhan! Omporo' noyo manaung kuno! Potonowo' noyo katulayan ri Aki Kapuuno' Mamamayag kuno!

2 SAMUIL 22:5

Kinulun ru kapatayan nampaliput raki', liur ru kapusaan nampalinjob raki'.

2 SAMUIL 23:3

Minindagu noyo i Aki Kapuuno' ru Israil; indagu manindung ru Israil no raki', “Raja' ondo' mamarinta ra matimpok, ondo' mamarinta ra pampagagayaan ri Aki Kapuuno',

MAZMUR 32:6

Ginio ra ngaangai' ulun ondo' gumagaya' musiti' no makiasi' Rirun paat ra makakapaganan; amon ru rosob sumuku', kalo maabas ilo.

MAZMUR 62:2

Kalinuos kuno ayuk maginaa ri Aki Kapuuno'; Io ayuk mamayag raki'.

MAZMUR 95:1

Omporo' takau noyo Tuhan, am marimbai ra maansukan ri Aki Kapuuno', manindung am mamamayag ritakau!

AMSAL 10:25

Ulun malaat mapuso bulintok ra rosob matong, kaa' ulun mabanis guang kalo makulau ra sabuoi-buoi no.

JISAYA 26:4

Pangintopot noyo ra Tuhan ra sabuoi-sabuoi no; masalok Io mangampin ritakau.

JISAYA 28:16

Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’

JISAYA 59:19

Intor ra sirangon suku' ra kalasaan, moonong ulun malaa' ra katulayan am kuasa' Nano. Matong Io koson ra timug ru sungoi ondo' maaug am koson ra bagiu'.

NAGUM 1:8

Pusoon No ngaangai' pantula' Nano, Io koson ra liur maayo ondo' nakalumpa' risilo. Binutus No painawo ru ulun ondo' manggal ra kasagaan Nano.

LUKAS 6:47

Raino balain takamin paliso ru sasangulun no ondo' matong Raki', mangkirongog ra raguon Kuno am gumagaya':

LUKAS 6:49

Kaa' ulun ondo' mangkirongog ra raguon Kuno am kalo gumagaya', io no koson sangulun manambaloi ondo' kalo mampatirong toojo ra lugu'. Paat ra mampaliur, matungkob boo am malunsai toojo baloi no!”

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

IPISUS 2:20

Koson ra baloi inimpuun ru batu, pangintapatan min inimpuun ra pangilaan ru rasul-rasul am nabi-nabi, Mabaya' i Kristus Jisus noyo galama' koson ra batu maatang ru baloi no.

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

SAGULION 32:18

Nalilianan nilo i Aki Kapuuno', Mamamayag ondo' mapanggol, Nanaak Io risilo ra kaayagan.

SAGULION 32:31

Nakapandai pantula' ru Israil ra mangampin risilo malawo, kalo mapanggol koson ri Aki Kapuuno', Manindung ru Israil.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

2 PITRUS 1:10

Gino ra pabukat kau ngai', pirot kano mampakito ra kaayagan min ra piniau am pinili' kau ri Aki Kapuuno'. Sabap ra amon ru gitio noyo baalon min, kalo noyo lumugut kau.

1 JUANIS 2:28

Pabukat kau ngaangai', pagulayun kano simpung ri Jisus Kristus! Paat ra ratangan Nano, makakau' takau toojo muma' Riso, am kalo mansibuni sabap ra mauyu'.

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,

1 SAMUIL 2:2

“Kolondo' sangulun pana matulai koson ra Tuhan; kolondo' mokogondo' Riso; i Aki Kapuuno' takano ayuk makapanaak ra panindungan.