LUKAS 6:47 - Tanou Moonsoi Timugon

⁴⁷ Raino balain takamin paliso ru sasangulun no ondo' matong Raki', mangkirongog ra raguon Kuno am gumagaya':

LUKAS 6:47 Iomraidhean Croise

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

MATIUS 12:50

Osoi ayuk mampagagaya' ra kasagaan ri Ama' Kuno giu' ra suruga', ulun ragitio noyo pabukat Kuno ra ungkuyon, pabukat Kuno ra ruandu' am ina' Kuno.”

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

LUKAS 11:28

Kaa' taam i Jisus, “Sotopot no, pakaansuk noyo ilo ondo' mangkirongog ra ragu ri Aki Kapuuno' am gumagaya'!”

LUKAS 14:26

“Osoi ayuk matong Raki' no, kalo masauk ra maamaya' Kuno amon ru kalo motogom io toojo Raki' intor ra togom no ra ina' nano, ama' nano, andu' nano, anak-anak nano, pinongkotob no ra ungkuyon am ruandu' am kaayagan nano galama' pana.

LUKAS 6:48

Io no koson ra sangulun manambaloi. Kolondomo' no kali no ra luang am patirongo' toojo lugu' no ra batu. Paat ra mampaliur, kalo matungkob baloi ti sabap ra inindon am piniot toojo.

LUKAS 8:13

Ondo' naratu' ra tana' makabatu i, io no ulun ondo' mangkirongog ra bala' no am maansukan ilo mangapu. Kaa' bala' no kalo siminoroi ra guang nilai. Sangkinolor ayuk ilo mangintopot. Pakauma' ilo ra pangkinaman kalo boo mangintopot ilo.

LUKAS 8:8

Kaa' sampug ondo' naratu' ra tana' malabung, timinuu' am nanangkawa' ra maatus poyo ruli'.” Pupusi' boo ri Jisus ra bolos mosongou, “Rongogo' am karaa' min toojo!”

JUANIS 10:27

Domba-domba Kuno mangkirongog ra bolos Kuno; makaulig Aku risilo am maya' ilo Raki'.

JUANIS 13:17

Amon ru makapandai kau raginio, mulu' poyo bansuk min amon ru suguton min.

JUANIS 14:15

“Amon ru motogom kau Raki', suguton min panusuban Kuno.

JUANIS 5:40

kaa' marara' kau matong Raki' koson mokoowot ra kaayagan motopot.

JUANIS 6:35

Indagu poyo i Jisus risilo, “Aku noyo ruti' ondo' mampakaayag. Osoi ayuk matong Raki', kalo boo maitilan, am osoi ayuk mangintopot Raki', kalo boo paason.

JUANIS 6:37

Moonong ulun ondo' taakin ri Ama' Raki', makaratong Raki'. Kalo inggalarin Ku osoi ayuk pana ondo' matong Raki'.

JUANIS 8:52

Indagu ilo ri Jisus, “Raino naimumuyan mai noyo toojo ra motopot sinubol Kou ru riwato! I Abragam galama' minatoi, nogondo' niayuk ra nabi-nabi, kaa' kamu; ‘Osoi ayuk gumagaya' ra pangilaan Kuno, ulun no kalo makaili' ra kapatayan.’

IBRANI 5:9

Ginio ra kalupus Io pinasauk ra mamamayag ra kolondo' sala, nasauk Io boo ra puun ru pamayagan mantilayun ra ngaangai' ulun ondo' gumagaya' Riso.

JAKUBUS 4:17

Intor raginio, ulun ondo' nakapandai ra ati rondo' moonsoi baalon no, kaa' kalo niayuk suguton no baalo', ginio karaan ra makatula io.

1 PITRUS 2:4

Intor poyo raginio, ibok am ratong kano ra Tuhan. Io ti mogondo' ra batu naayag, ondo' pinatiran noyo ru ulun ra kolondo' onong; kaa' Io no ondo' pinili' ri Aki Kapuuno' ra mokologo toojo.

2 PITRUS 1:10

Gino ra pabukat kau ngai', pirot kano mampakito ra kaayagan min ra piniau am pinili' kau ri Aki Kapuuno'. Sabap ra amon ru gitio noyo baalon min, kalo noyo lumugut kau.

1 JUANIS 2:29

Nakapandai kano ri Jisus Kristus naayag maya' ra kasagaan ri Aki Kapuuno'. Ginio boo ra akau musiti' makapandai ra moonong ulun ondo' maayag maya' ra kasagaan ri Aki Kapuuno', io no anak ri Aki Kapuuno'.

1 JUANIS 3:7

Pabukat kau ngaangai', pai' min polosoo' osoi ayuk pana mamparuung ramuyun. Ulun ondo' mambaal ra kasagaan ri Aki Kapuuno', io ti ulun motopot koson ri Jisus Kristus niayuk motopot.

PINAINTALANG 22:14

Pakaansuk noyo ilo ondo' mampupu' ra sukub nilono suku' mapasau, bagu no makaakan ilo ra kawa' intor ra puun ru mampakaayag am maya' ra umpasan sumubol ra bandar no.