LUKAS 6:45 - Tanou Moonsoi Timugon

⁴⁵ Ulun moonsoi makapaliso niayuk ra moonsoi, sabap ra guang nano napanu' ra kaansayan. Ulun malaat makapaliso niayuk ra malaat, sabap ra guang nano napanu' ra kalaatan. Sabap ra atan ondo' raguon ru ulun matong intor ra guang.”

LUKAS 6:45 Iomraidhean Croise

MAZMUR 140:5

Iou Tuhan, sindungi' aku no intor ra kuasa' ru ulun malaat; alungi' aku no intor ra ulun ondo' masalok mambaal ra kalaatan ondo' mangatang koson mamparatu' raki'.

MAZMUR 59:12

Pai' ilo potoyo', iou Aki Kapuuno', maa' raginio bansa' kuno kalo makalilian. Kuliagayo' pantula' no ra kuasa' Muno am kalaan ilo, iou Tuhan, manindung ramon.

MAZMUR 59:7

Bulintok ra palunggai' ra ilo minuli', maguang koson ra uku' paat lumiput ra bandar.

AMSAL 12:18

Ragu-ragu ra moporos makapilat ra guang koson motobok ru ilang, kaa' ragu ra mapintar koson ra tatapis makapali'.

AMSAL 15:23

Ragu-ragu ra pinasalula' nakatuma' ra bulintok no maparatong ra kaansukan.

AMSAL 4:23

Totomolo' noyo atan karaan mino, sabap ra pangkaraan mino mangatang ra kaayagan mino.

JUANIS 7:38

Koson tinulisan ra Buuk Kitab, ‘Osoi ayuk mangintopot Raki', tumilis intor ra guang nano timug ondo' mampakaayag.’ ” (

RINALATAN 5:3

Indagu i Pitrus riso, “Ananias, kua polosoo' mu Tingganai ru riwato mangkinibit rirun magabau ra Ambiluo ri Aki Kapuuno', ra inalap mu santayaran ra ruit ru tana' tinalan muli?

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

IPISUS 4:29

Paat ra akau makimansunur, pai' raguo' ondo' makaruol ra guang. Indagu ayuk ra mokoonong, koson ra ragu mangila' am mangindangan, maa' raginio ondo' sinunur mino magibit ra kaansayan ra ulun ondo' mangkirongog.

IPISUS 5:19

Moonsoi mindagu kau ra sangulun am bokon ra ragu Mazmur, rimbai mongompor ri Aki Kapuuno' am poyo rimbai Kristian. Rimbayo' noyo gitio ra Tuhan mabaya' ra guang makaansuk.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

KOLOSI 4:6

Kasalok kano makimansunur ra ondo' mampakatasu' am makapamunduk ra guang. Tutun kano ati kulaan tumaam ra matanda' ra atan ayuk pangkuatan ru sasangulun.

IBRANI 8:10

Kaa' raino gitio noyo bantu' Ku ra ulun ru Israil paat ra orou matong no, kon ru Tuhan: Pakaraan Ku ukum Kuno risilo am patulison Ku poyo ra guang nilono. Masauk Aku ra Tuhan nilo am masauk ilo noyo ra ulun ondo' tagamin Kuno.

JUDAS 1:15

Mongoi Io pangukum ra ngaangai' ulun. Mangukum Io ra ulun-ulun makatula sabap ra baal malaat nilo am sabap ra ngaangai' asab nilai Riso!”