LUKAS 6:42 - Tanou Moonsoi Timugon

⁴² Kalo noyo lair mindagu kou ra pabukat muno, ‘Rangan, ibok, paingkualo' ku tipolon ru tataun intor ra mato muno,’ kaa' tataun makalu ra mato muno galama' kalo matutunan mu! Maabau-abau kou! Ingkualo' poyo galing tataun makalu intor ra mato muno. Bagu makakito kou toojo am maalap mu kaingkual tipolon no intor ra mato ru pabukat muno.”

LUKAS 6:42 Iomraidhean Croise

AMSAL 18:17

Ulun kasaa' mindagu ra makama masalok ilain ra motopot, kaa' raguon nano kinamin paat ra ngaangai' no naimansaan.

MATIUS 26:75

Kakara' boo ri Pitrus ragu ri Jisus riso, “Kalo poyo maningkuluuk manuk tandaa' no, intalu kono mindagu ra kalo makaulig Raki'.” Ingkual i Pitrus am sisingut nantangi'.

MATIUS 7:3

Kua kakito min tipolon ru tataun ra mato ru ulun bokon, kaa' akau galama' kalo makatutun ra mokoondo' tataun makalu ra mato mino galama'?

MATIUS 7:4

Kua pai' kau kalalaa' mindagu ra ulun bokon, ‘Ibok, paingkualo' ku tipolon ru tataun intor ra mato muno,’ kaa' mokoondo' tataun makalu ra mato mino galama'.

LUKAS 13:15

Taam Tuhan ra tingganai no, “Okou ti maabau-abau! Ngaangai' ulun maaru' mampalabus ra kaladai kapoam sapi' nilo ongoyon painumo' kabalu' pana paat ra orou Sabat.

LUKAS 22:32

Kaa' nakiasi' Aku noyo ra pangintapatan muno kalo malawo. Ra okou sumaguli' Raki', okou tupo niayuk mampaikang ra pangintapatan ru pabukat-pabukat muno.”

LUKAS 6:41

“Kua kakito mu tipolon ru tataun nakasubo ra mato ru pabukat muno, kaa' tataun makalu nakasubo ra mato muno galama' kalo natutunan mu.

LUKAS 6:43

“Maaru' puun ra malabung kalo mangkawa' ra malaat. Koson niayuk ra puun ondo' kalo malabung kalo mangkawa' ra moonsoi.

RINALATAN 13:10

am indagu, “Okou no anak ru Tingganai ru riwato! Okou pantula' ru ngaangai' moonsoi. Mototop kou ra ruung malaat am manumbalik kou ra pangilaan motopot intor ra Tuhan!

RINALATAN 2:38

Taam i Pitrus, “Talikur kau ngai' intor ra tula mino. Musiti' akau riwon ralalom inggalan ri Jisus Kristus, koson ra tula mino ampunon. Akau pana makaapu ra taak intor ri Aki Kapuuno', ioginio Ambiluo ri Aki Kapuuno'.

RINALATAN 8:21

Kolondo' tayar muno ralalom kandoi mai, sabap ra guang muno kalo motopot ra pagilangan ri Aki Kapuuno'.

ROMA 2:1

Pabukat kau ngaangai', intor raginio, makakau' kau kia mononsol ra ulun bokon? Kolondo' sasaban min amon ru ukumin kau. Sabap ra amon ru mononsol kau ra ulun bokon kaa' akau galama' pana nogondo' niayuk makasala, akau galama' migukum.

2 KORINTUS 5:18

Ngaangai' no pinasauk noyo ri Aki Kapuuno'. Ralalom ri Kristus, nangulau Io ritakau intor ra pantula' no saboi mobonsoi takau boo Riso, am nangani' Io ramon ra kandoi mopobonsoi Riso ra ulun ra bokon pana.

2 TIMOTIUS 2:21

Koson ra osoi ayuk ondo' mangandoi ra Tuhan, amon ru tumalikur intor ra ngaangai' kalaatan, saukon io boo mambaal ra maatang. Pilion io sabap ra mokoonong ra pagilangan ru tuan nano. Nakatampos io noyo pongondoyon ra atan ayuk baal moonsoi.

2 PITRUS 1:9

Kaa' osoi ayuk kolondo' paliso raginio, io ti mogondo' ra ulun kalo makakito, sabap ra nalilianan no ra inampun noyo tula nali ragili.