LUKAS 6:25 - Tanou Moonsoi Timugon

²⁵ “Aibui boo ramuyun ondo' naasug ra raino ti, mangaitilan kau ra maagu no! “Aibui boo ramuyun ondo' pasakurit ra raino ti sabap ra mangiluk guang am mantangi' kau ra maagu no!

LUKAS 6:25 Iomraidhean Croise

MAZMUR 49:19

Kabalu' pana ilo maansukan ra kaayagan nilono, am omporon sabap ra kandoi nilo ra makaampos,

AMSAL 14:13

Kurit makasibuni ra guang mangiluk, kaa' bulintok ra kaansukan malupus, guang mangiluk soroi poyo.

AMSAL 30:9

Amon ru langkaya' aku, magu' mindagu aku ra kolondo' pakuan kuno Rirun. Kaa' amon ru musikin aku, magu' mantakou aku, am mapakauyu' ri Aki Kapuuno' kuno.

MAMPATANOU 2:2

Nakapandai aku no ra kurit no koson mampailong ra kalo matanda' am katasuan kolondo' onong.

MAMPATANOU 7:3

Moonsoi poyo kangilukan ru guang intor ra makakurit; polosoo' ayuk bulos malaut kaa' guang maansukan.

MAMPATANOU 7:6

Kukurit ru ulun kalo matanda' kolondo' arati', koson ra bolos ru ruui ondo' sinolob ra apui.

JISAYA 28:7

Nabi am imam pana nagauk kaga' saboi kakasumpil ayuk ra mugar. Masuang kaga' ininum nilo ra wain am arak saboi makasaru sabap naubong. Nabi-nabi nangagauk kaga' saboi kalo boo mauligan nilo atan ondo' pinaintalang ri Aki Kapuuno', am ngaangai' imam nangagauk kaga' saboi kalo boo mapatasan nilo kasaukan ondo' pinabala' risilo.

JISAYA 65:13

Sotopot no, ulun ra sumamba Raki' am gumagaya' Raki' makaalap ra masuang akanon am inumon, kaa' maitilan am paason kau. Maansukan ilo kaa' asabin kau.

JISAYA 8:21

Ulun ragitio tumanggau ra titikop ru pagun, am mangiluk guang am niayuk maitilan. Sabap ra maitilan, sumangit ilo saboi magulas ra raja' am i Aki Kapuuno' nilo. Kabalu' pana mantingaa' ilo ra limbowon

JISAYA 9:20

Namagun ra Manasi am namagun ra Ipraim mangayou ra rondo' am bokon, am mababaya' ilo mamulunsar ra Jiuda. Kaa' masauk pana baal raginio, sangit ru Tuhan lakat poyo kalo malulu'; lakat Io poyo masaga' mangukum risilo.

AMOS 8:10

Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

NAGUM 1:10

Akau magauk solobon koson ra rami ondo' mapua', koson ra bulungkut makaruui ondo' nanririlit.

LUKAS 12:20

Kaa' indagu i Aki Kapuuno' riso, ‘Ulun sasambungon! Rondom ra raiti' niayuk patayan muno! Osoi mangalap ra ngaangai' ondo' tinimung muno galama'?’ ”

LUKAS 13:28

Mumpara' boo sulaboi am kinuritot ru ripon min ra tauli no, paat makito min i Abragam, Isak, Jakub am ngaangai' nabi giu' ra Tana' Bagu ri Aki Kapuuno', kaa' akau patirin ayuk ra liwar!

LUKAS 6:24

“Kaa' aibui boo ramuyun ondo' langkaya' raino ti, sabap ra kalangkayaan ru tana' ti ayuk ampos mino!

LUKAS 6:26

“Aibui boo ramuyun no, amon ru ngaangai' ulun mongompor ramuyun. Sabap ra koson raginio niayuk pinamakuan ru kinamatuaan takali ra nabi-nabi maabau-abau ra galing i.”

LUKAS 8:53

Nangiis ilo ri Jisus sabap ra nakapandai ilo ra anak ruandu' no minatoi noyo.

IPISUS 5:4

Ginio poyo, kalo moonsoi akau manabit ra ragu makauyuyu', sasambungon, kapoam anja' ra jajajou. Kaa' moonsoi ru mindagu kau ayuk ra paringkuanangan ri Aki Kapuuno'.

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.

JAKUBUS 4:9

Panasal, pantangi' am panulaboi kau ra baal malaat min i. Polosoo' noyo kinuritan min masauk ra tinangian am kaansukan min masauk ra kasilukan.

PINAINTALANG 3:17

Minindagu kau, ‘Langkaya' aku; kalo nalimusan aku ra atan ayuk pana.’ Kaa' kalo nakapandai kau ra makaasi'-asi' baal mino! Kunsikang kau, nagibabaang am bolou.

1 SAMUIL 2:5

Ulun ondo' naasug ragili, raino ti moonsoi mangandoi ra maginakan; kaa' ondo' nangaitilan ragili, raino ti nangaasug boo. Andu' ondo' tabanang naganak ra tulu' ngaulun anak, kaa' ina' ondo' makaanak ra masuang, tinatang am pinoloso naimbolo'.