LUKAS 6:19 - Tanou Moonsoi Timugon

¹⁹ Gogoton ru ngaangai' ulun gumuut ri Jisus sabap ra mokoondo' kuasa' mingkual intor Riso am mamabas risilo ngaangai'.

LUKAS 6:19 Iomraidhean Croise

2 RAJA'-RAJA' 13:21

Paat ra sangarawan no, bulintok ra ulun ru Israil tatanga' mompolobong ra ulun minatoi, nakito nilo santimungan ulun malaat ru Moab. Sabap ra nangalaa', pinapatir nilo baangkai no ra ralalom ru lobong ri Ilisa am pagigiru'. Pakatiu' ayuk baangkai no ra bungul-bungul ri Ilisa, kaayag saguli' baangkai no am bigor.

MATIUS 14:36

Makitaak ilo ri Jisus pokombongon ayuk ulun-ulun marualan no ra pompor ru sukub Nano. Ngaangai' boo ru ulun ondo' nakakambong ra pompor ru sukub Nano nababas.

MARKUS 3:10

Sabap ra masuang ulun binabas Nano, am masuang poyo marualan mampipisi' sabap ra masaga' kumambong Riso.

MARKUS 5:30

Paat ragili niayuk nalimanan ri Jisus ra mokoondo' binuor mingkual intor Riso. Am pangkaili boo Io ra tatanga' ru ulun masuang am pangkuot, “Osoi kiminambong ra sukub Kutu?”

MARKUS 6:56

Ati ayuk angayan Nano, pamagunan, pekan kapoam bandar, ulun mapabanta' ra ulun-ulun marualan giu' ra tamu, am makitaak ilo Riso koson pokombongon ilo ayuk ra pompor ru sukub Nano. Ngaangai' ulun pana ondo' nakakambong i, nababas.

MARKUS 8:22

Kabuoi ragili pakasuku' noyo i Jisus am maamaya' Nano ra Bitsaida. Ulun-ulun nangaak ra sangulun bolou paumaan ri Jisus am kitaakon nilo i Jisus maa' raginio kumambong ra ulun bolou no.

LUKAS 5:17

Sangarawan ragili paat i Jisus nangila', mokoondo' kukula' ngaulun ru Parisi am mangingila' ra Ukum ri Musa nantuturung mangkirongog Riso. Minatong ilo intor ra bandar Jirusalim am poyo intor ra moonong intok giu' ra libung Galilia am Judia. Kuasa' ru Tuhan siminoroi ri Jisus koson mamabas ra ulun marualan.

LUKAS 6:18

Minatong ilo mangkirongog ri Jisus am niayuk makibabas intor ra maruol nilai. Ulun ondo' sinubol ru riwato pana minatong am nababas ilo.

RINALATAN 19:12

Ginio ra konoon parasa' am poyo konoon ra bokon ondo' pinakai ri Paulus inibit ra ulun mangarualan. Maruol nilai pana nairu' am riwato pana pinagiru' intor risilo.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.