LUKAS 6:12 - Tanou Moonsoi Timugon

¹² Paat ragili i Jisus nagaloi ra rondo' bulur koson makiasi'. Nasuaban Io nakiasi' ri Aki Kapuuno' ra giu' i.

LUKAS 6:12 Iomraidhean Croise

MAZMUR 22:2

Aki Kapuuno' kuno, iou Aki Kapuuno' kuno, Kua tatango' Mu aku? Mampiau aku Rirun kaa' lakat Kopo maalur, am kalo mangindangan raki'.

JISAYA 26:9

Salibuor kuno moondom Rirun bulintok molondom; uyumon Tokou ralalom pirot ru guang kuno. Bulintok ra Okou mangakim ra tana' ti ra maagu no, namagun nano makapandai ra arati' ru katimpakan.

DANIL 6:10

Koon raginio noyo Raja' Darius siminain ra susuban no.

MATIUS 5:1

Ilai' ri Jisus ulun masuang no, pagaloi Io boo ra bulur am panturung. Maamaya'-maamaya' Nano timinimung liput Riso,

MATIUS 6:6

Kaa' paat ra akau makiasi' subol no ra lamin mino am angabi', am pakiasi' no ri Ama' mino ondo' kalo makito no. I Ama' mino ondo' makapandai ra baal moonsoi mino ra makasibuni no, mangatang ra barakat no ramuyun.

MARKUS 1:35

Suabon no, maar matawang, luat i Jisus am ongoi ra lisar ru pekan. Minongoi Io ra intok masiluk sabap ra makiasi' Io ra giu' no.

MARKUS 3:13

Tauli pagaloi i Jisus ra tampak ru bulur. Piawo' No ulun-ulun kasagaan Nali am ratong ilo Riso.

MARKUS 6:46

Pakatuliar Io ayuk intor risilo, ongoi Io ra bulur koson makiasi'.

LUKAS 5:16

Kaa' masalok i Jisus mongoi ra intok masiluk ra masaga' Io poyo makiasi'.

LUKAS 6:11

Kaa' malikokot toojo mangingila' ra Ukum ri Musa am ulun-ulun ru Parisi, am tumalimpuun ilo mansusunur ra atan baalon nilo ri Jisus.

LUKAS 6:17

Paat ra mambusul i Jisus am rasul Nano intor ra bulur no am uog ilo ra rondo' limayak. Giu' i mokoondo' poyo masuang maamaya' Nano ra bokon. Masuang poyo ulun nakaratong intor ra titikop Judia, Jirusalim am bandar Tirus am Sidon, ondo' karuruo ti mamaar ra raat.

LUKAS 9:18

Igondo' ragili, tatanga' i Jisus misasangulun makiasi', ratong maamaya' Nano Riso. Pangkuot i Jisus risilo, “Maya' ra ragu ru ulun, osoi kia Aku ti?”

LUKAS 9:28

Pakasaminggu' i Jisus nangila' ra ngaangai' ondo' pangilaan ra raitii' ni, ibito' No boo i Pitrus, Juanis am i Jakubus ra rasawat ru rondo' gunung mongoi pakiasi'.

LUKAS 9:29

Liliwa' Io makiasi' ra giu' i, minalui bulos Nali am binayang Nali pana nasauk ra mapulak manguliat.

JUANIS 6:3

Pagaloi boo i Jisus am maamaya' Nano ra bulur am panturung Io ra giu' i.

KOLOSI 4:2

Ralalom ru pakiasian min, pirot kano toojo, ilalai' am paringkuanang ri Aki Kapuuno'.

IBRANI 5:7

Paat ri Jisus soroi ra tana' ti, nakiasi' Io toojo ri Aki Kapuuno' nabaya' ra bolos mapuor liliwa' nantangi'. Nakiasi' Io ri Aki Kapuuno' ondo' makapamayag Riso intor ra kapatayan, am rinongog Io ri Aki Kapuuno' sabap ra pinainggana' No guang Nano Riso.

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.