LUKAS 5:7 - Tanou Moonsoi Timugon

⁷ Ginio ra pangulawi ilo pakiindangan ra rangan nilo ra bokon i intor ra parau ra bokon. Ratong rangan nilai, suangi' nilo karuruo parau i ra papait saboi napanu' am maar makalom parau nilai.

LUKAS 5:7 Iomraidhean Croise

KAINGKUALAN 23:5

Amon ru kaladai ru pantula' mino naratu' sabap ra inibit nano maagat, indangano' io manirong ra kaladai no; pai' ugar ra kalo mangindangan.

AMSAL 18:24

Mokoondo' rangan ra kalo gumagaya', mokoondo' niayuk rangan ra moonsoi toojo ka pongkotob.

MARKUS 4:36

Iruani' nilo ayuk ulun masuang no am maamaya' Nano siminakoi ra parau ondo' nanturungan ri Jisus, am lumaup ilo nabaya' Riso. Mokoondo' niayuk parau ra bokon ra giu' i.

LUKAS 5:6

Pakaatang ralo nilai, nakaalap ilo ra masuang papait saboi mamaar marilak ralo nilai.

LUKAS 5:8

Kakito ri Simon baal raginio, igulatur io ra saang ri Jisus am indagu, “Iruani' aku, Tuhan! Sabap ra aku ti ulun makatula!”

RINALATAN 11:25

Ongoi boo i Barnabas paguyum ri Saulus giu' ra Tarsus.

GALATIA 6:2

Pangindangan kano ra rondo' am bokon. Am koson ragitio noyo akau gumagaya' ra susuban ri Kristus.

PILIPI 4:3

Am okou niayuk Sunsugos, rangan kuno mangandoi, bilin ku rirun ra indangano' noyo ruandu' ragitilo mobonsoi saguli'. Sabap ra ilo ti mapirot toojo nangindangan raki' mampabala' ra Tanou Moonsoi; koson niayuk ra indangano' poyo i Kilimin am ngaangai' ondo' nangandoi nabaya' raki'. Inggalan nilai ti nakatulis noyo ra kitab ru Ulun Mokoowot ra Kaayagan Motopot.